و زياد واقع في الارض سايح في دمووو و بقول ليهم بنفس متقطع جهاز.. التسجيل في.. جيبي..يا يحي.. مرواااان..
مروان و يحي و عادل جرو عليهووو. وهم بكوركوووو زياااااد...يا زياااااااد..عادل بقا يضرب فيهو زيااااد صحصح يا زياد م تغمض عيونك..و يحي بسرعه طلع قميصو ربطو بقووووه مكان الجرح و بقا يضغط عليهو عشان يوقف النزيف...و عادل لسه بحاول يخليهو يفوق و ما يغيب عن الوعي.... مروان طلع التسجيل و مفاتيح العربيه والتلفون من جيب زياد..و مدّا التسجيل والتلفون لي عادل و شال زياد بسرعه و جرا بيهو العربيه...وهو بقول لي يحي انت و عادل خلصو هنا و ارفعو التقرير وبعدين الحقوني ودور العربيه.. مروان كان سايق وفي نفس الوقت بحاول يتكلم مع زياد عشان ما يفقد الوعي و بقول ليهو زياااااد فوووووق يا زيادددد فتح عيونك.. وزياد بئن و بقول ليهو اممممممم في كل مره ينده فيها بي اسمو عشان يطمنو انو لسه واعي..لحدي ما وصلو المستشفى ومروان جرا بيهو الحوادث..
يحي وعادل ضربو ليهو من تلفون زياد لانو تلفوناتهم ما معاهم...وقالو ليهو ما تنتظرنا لحدي ما نضرب ليك يا مروان... خلينا في الصوره وورينا الحاصل اول بي اول... مروان قال ليهم تمام و بعد ساعه وحاجه وهو قاعد على اعصابو و ماشي و جاي في ممر الحوادث.. الدكتورطلع قال ليهو طلعنا الرصاصه بس لازم يخش عمليه لانو في كسر في عظمه الترقوه... وبمجرد ما قال ليهو كدا جرااا عمل الاجراءات وبسرعه جهزو زياد ودخلوهو غرفه العمليات...ومروان ضرب لي ناس عادل عشان يكلمهم.. و بدل يضرب في الشريحه الزين ضرب في السوداني
____________
كنت بعاين لي حنتي و انا مبسوطه..و منتظره بكره بفارغ الصبر عشان زياد يشوفها..و في نفس الوقت كنت بقول بيني و بين نفسي يا ربي لي لحدي اسي ما اتصل دا كلو شغل...وقلبي للحظه انقبض و رفعت التلفون عشان اضرب ليهو.. تاني استغفر و طمنت روحي و قلت هيي يا براءه بكون شغال هو رسل ليك رساله قال ليك اخلص الفي يدي و اضرب ليك ماف داعي تكبري الموضوع وتشغلِيهو...بعد شويه جات امو طالعه من الغرفه و هي بتقول لي اساور يا بت اضربي لي اخوووك دا انا قلبي دا فاريني عليهووو من قبيل وما قادره انوم.. اضربي شوفيهو كويس... اساور قالت ليها بسم الله يا امي زياد ما اول مره يسافر انتي مالك الليله مكبره الموضوع كدا...
خالتو امال قبلت علي وقالت لي زياد ما اتصل عليك تاني... قلت ليها رسل لي رساله بس ياخالتو .. لكن انا برضو قلبي مقبوض..انفال قالت لينا ياخوانا مالكم عايزين تشفقونا..شلت التلفون بسرعه وانا بقول ليهم انا ما قادره انا حأضرب ليهو... وقبل اضغط اتصال دخلت علي مكالمه قريت اسم المتصل بصوت عالي وانا مستغربه مروان!!!! هنا يادوب حيلي برد بالجد وبقيت بعاين ليهم اساور قالت لي افتحي الاسبيكر ...رفعت الخط وبي مجرد ما فتحت الاسبيكر جانا صوتو وهو بقول الووووو يا عادل زياد طلعو ليهو الرصاصه لكن هسي دخلوهو عمليه لانو في كسر... انجزو سرعه تعالو لي في مستشفي (....) انا خلاص بقيت ما قادر جسمي كلو ماشي مويه من الخلعه...
انا هنا صرخت و جدعت التلفون من يدي...وبقيت ببكي و بقول ليهم وانا برجف زياد لو حصلت ليهو حاجه انا بموووت... انفال و اساور كل وحده مسكت التانيه و انفقعو بالبكا... و خالتو امال بتكورك و تقول انا كنت حاااااسه و سفرتو دي ما كنت عايزاها ...اساور قالت الا نشوف لينا عربيه خاصه تودنيا..بمجرد ما قالت كدا انا طوالي جريت على الشارع حفيانه وهم جرو وراي....والحمد لله بيتهم قريب من الشارع الرئيسي بقيت بوقف في العربات..وكلهم لمن اقول ليهم الخرطوم مستشفى (...) يعتزرو و يقولو ما عندهم بنزين يوصلهم...هبطت خلاص و حسيت الدنيا دي ضلمت في وشي وقعدت في الارض وانا حاسه انو خلاص تاني ما حأشوفو...وكل الافكار السيئه الفي الدنيا دي بقت مستحوذه على تفكيري...وما حاسه لا بي انفال البتقول لي حتضربك عربيه يا برااااءه قومي من الشارع.... ولا بي خالتو امال البتقول لي قومي يا بتي من الارض الله يرضى عليك... ما وعيت الا بي صوت اساور البتقول اركبو اركبو دا قال بودينااااا... قمت من دون ما اشعرررر و ركبت و بقيت بقول ليهو عليييييك الله امشي بسرعه... الراجل لمن شاف حالتنا عرف انو الفي المستشفى دا واحد من ناس البيت... و قال لينا بوصلكم في اقل من تلاته ساعات استهدو بالله وما تشيلو هم... ادعو واستغفرو البكاء ما بنفعو بتنفعو الدعوات... انا بقيت ادعي بي اعلى صوت يا رب لو زياد حصلت ليهو حاجه يا رب ما اصل سليمه يا رب انا تعبت... يا رب تاخد روحي قبل روحو يا رب العالمين انت عالم بي حالي... خالتو امال بقت تكورك فيني وهي بتبكي : دا شنو البتقولي فيهو دا...ان شاء الله تصلي سليمه ونشوفو بخير و صحه و عافيه.. يا ربي يا سماع الدعاء ترد ليهو عافيتو و تخفف المه يا قادر يا كريم... وبتاع العربيه فتح الدرج طلع لي منو وصحف و قال لي سوره يس لما قرئت له.. اقري ليهو يس سبعه مرات بنيه الشفاء... شلت منو المصحف وبديت اقرا ودموعي دي عشره عشره...و انفال و اساور كل وحده فتحت تلفونها و بقت تقرا... وامو بتدعي ليهو و تستغفر...
__________
الراجل قال لينا بوصلكم في اقل من تلاته ساعات وهو عربيتو ماشه بالدفر... وصلنا في اربعه ساعات ونص مرت علينا زي السنه...و يادوب بعد وصلنا اتزكرنا اننا بالخلعه ما شلنا معانا حتى قروش عشان نحاسب بتاع العربيه... طلعت دبلتي بسرعه ختيتها ليهو في يدووو ...و دخلنا جري المستشفى.. سألنا في الرسبشن عن اسم المريض زياد عبددالناصر قالو لينا طلع من العمليه و نقلوهو الغرفه رقم 9 الطابق التاني ...السلالم بقت لي طوييله.... ولحدي ما وصلنا حسيت انو طلعت ميه طابق ما اتنين بس... ومن غير من نعاين لي رقم الغرفه عرفناها من مروان و عادل الكانو واقفين قدامها...
خالتو امال طوالي جرت على مروان و قالت ليهو زياد كويس.. طمنّي ولدي كويس يا مروان...وهو قال ليها كويس يا خالتي زياد كويس الحمد لله وانا واساور و انفال طوالي جرينا على الغرفه..لقيناهو قاعد متكي بظهرو علي كم مخده لابس ليهو حامل ذراع في يدو اليمين... و يحي قاعد جنبو بشرب فيهو في شوربه ولمن شاف اساور اتخلع و قلب صحن الشوربه في الواطه...زياد قعد يضحك و قال لينا خلعتو الراجل بتبكو مالكم المات منو؟ تعالو وحده وحده باليد دي بس براحه وبدون انفعلات... انا اول ما شفتو بضحك وحاضن اساور بيدو الشمال طلعت برااااا وانا بحمد في ربنا و انفقعت بالبكا وانا ما مصدقه انو كويس ..يحي طلع سلم على خالتو امال و قال ليها زياد زي الحصان يا خالتي ماشاء الله .. ضحكت و قالت ليهو الحمد لله ودخلت ليهو جواااا...
بعد مسافه طلعو التلاته.. وجاتني خالتو امال طبطبت على كتفي و قالت لي قومي يا بتي زياد بسأل منك...مسحت دموعي واول ما فتحت الباب ودخلت قاال لي وهو بضحك تعالي بي جاي براحه و اعملي حساب القزاز ما تنجرحي ... مشيت عليهو ودموعي حالفه ما تقيف.. ضحك ومسح لي دموعي و قال لي بتبكي لي تاني ما هدا انا قدامك وزي الفل... تاني البكا شنو ولا متحسره.. كنتي دايراني اموت صح عشان سافرت و خليتك زعلانه قلبك اسود ياخ.. ضحكت و ختيت وشي في صدرو و انا ببكي و بضحك في نفس الوقت...حاوطني بيدو الشمال و قال لي وهو بضحك اخخخخخ يابت انا زول عندي كسر براحه مُصره تقتليني صح...قلت ليهو وانا بشهق ماااا.. عارفه.. لو.. حصلت ليك.. حاجه انا كنت حأعمل شنو يا زياد..
رفع راسي و قال لي لمن ناس مروان كانو بحاولو يخلوني ما اغيب عن الوعى و بقولو لي يا زياد صحصح... هم ما عارفين انو انا كنت متمسك بي الحياه و بحاول اكون واعي على قدر ما اقدر ودعيت انو ربنا يطلعني منها سليم و يطول في عمري عشانك يا برو..و عشان عارف انو انتي ماحمل صدمه جديده... قلت ليهو بزعل مدام عارف لي بتجازف بي نفسك من البدايه...ضحك و قال لي عشانك برضوووو... بعد نطلع من هنا ان شاء الله طوالي حتبدا جلسات المحكمه و حقك حيرجع ليك تالت و متلت من اي زول كان سبب في الحصل معاك انتي و باقي البنات...رجعت ضميتو تاني و قلت ليهو قدر ما اعمل في الدينا دي ما حأقدر اجازيك ربع العملتو معاي يا زياد...
زياد ضحك و قال لي بحب : انتي عويره تجازيني شنو.. هو انا ربنا جازاني بيك 🖤... وواصل وهو بضحك و بقول لي يا عيب الشوم راجلك طالع من موته.. و انتي جايه المستشفى محننه ...قعدت اضحككككك وقلت ليهو دي جزاه اي راجل بطلع بخلي مرتو زعلانه ان شاء بس تكون استفدت من الدرس... قال لي وهو بضحك والله!! هو المزعل التاني منو لكن...
انا بزعل :قصدك انا الغلطانه...
زياد : انا ما شافع صح عشان تجُريني و تقفلي الباب..ما بعرف اتصرف وجاهل رايك شنو تاني تتصرفي بدلي ... قلت ليهو اي شافع مدام ما فاهم حركات البت الحيوانه المستفزه دي تبقا شافع يا زياد... خالتو امال دخلت لقتنا بنتناقر... قعدت تضحك قالت لينا يخوانا كنا سامعين صوت ضحك فجأه قلب كواريك في شنو يا جماعه استهدو بالله..عاينا لي بعض و قعدنا نضحك...قالت لينا ربنا يسعدكم و اشوف عيالكم مالين علي البيت يا اولادي.. وبركه الشفتك كويس يا زياد انا تاني ما دايره حاجه من الدنيا دي غير سلامتكم.. و طلعت خلتنا انا وزياد الاتنين مصدومين...
زياد ضحك ومسك يدي و قال لي انا اتأكدت انو اي حاجه في الدنيا دي بتحصل لينا لي خير... يعني انت لو ما اتخطفتي كنتي هسي حتكوني خطيبه ولد نسيبه...ولو ما نسيبه عملت لي ابوك سحر ما كان قال لي تعاال اعقد وسوق مرتك... ولو ما انا عملت حادث ما كان امي عرفت قيمه انو انا كفايه اكون عايش و مبسوط و اتقبلتك في حياتي يا برووو💙
انا خليت كل شي و قلت ليهو بخلعه نسيبه عامله لي ابوي انا سحررررررررر؟
زياد اتنحنح و يادوب وعا انو انا ما كنت عارفه... قال لي اهدي وروقي عمي احمد كويس و انا كل يوم بتصل عليهو و شغالين ليهو جلسات رقيه...وما كلمناك لانو موضوع زي دا كان ممكن يأثر على فتره علاجك...وهو بتكلم كدا قلت ليهو دقيقه دقيقه و اتزكرت لمن نسيبه اتخلعت واتوترت لمن شفتها بتحفر في الحوش... وقلت ليهو انا شبه عارفه نسيبه دفنت السحر وين... و جريت برا شلت تلفون انفال و اتصلت لي نوسه ماردت.. طوالي اتصلت لي اسيل و قبل اسلم عليها قلت ليها اسيييييل احفرو جنب الاصايص بتاعت الصبار الفي ركن الحوش احتمال نسيبه تكون دافنه حاجه هناك...
اسيل ردت لي بخلعه : براءه! دا رقم منو الضاربه منو زي الساعه دي... و جبتي الكلام دا من وين؟... قلت ليها خليك مني سرعه امشي يا اسيل اعملي القلتو ليك.. قالت لي انا في بيتي لكن ما في بيتنا... قلت ليها انا ضربت لي نوسه ما بترد.. قالت لي خلاص اقفلي اقفلي انا بتصرف و برجع ليك..
___________
مروان :يحي واحد فينا لازم يمشي مع عادل القسم...
يحي :اكيد حتمشي انت.. ديل نسابتي انت بقربو ليك شنو؟
مروان انفقع بالضحك و قال ليهو نسابتك؟ يحي قال ليهو اي نسابتي افوت اخليهم وين لازم اقيف معاهم في المستشفى و اشوف محتاجين شنو اجيبو ليهم ...امشي اتوكل على القسم ساي ..مروان خبط يدينو ببعض وهو بضحك و بقول ليهو الله يكملك بي عقلك و ساق عادل ومشى... و يحي مشى علي اتجاه ناس اساور و قال ليهم انا نازل تحت محتاجين حاجه... خالتو امال قالت ليهو سوق معاك اساور دي خليها تجيب سفنجه ليها و لي براءه...الاتنين جو حفيانات.. وطلعت شبشها ادتو لي اساور و قالت ليها امشي سرعه و تعالي...
