—
ابتسم بتعب لما شافه واقف بسيارته برا عند الموقف ،
فتح الباب الخلفي حط شنطته وبعدها ركب قدام.
ريبـال ابتسم : الحمدلله على سلامتك.
زيد : الله يسلمك، اعذرني بتعبك معاي.
ريبـال خزه : من متى نتكلم بذي الاشياء.
زيد ضحك بخفة وهز راسه : خلص ، سوي نفسك ماسمعت.
ريبـال : وين تبي نروح؟
زيد : مدري بس مابي ارجع الحين.
ريبـال : فيه شي ، صح؟
زيد تنهد : ياريت شي واحد، فيه اشياء ..
ريبـال : تكلم تكلم عن اللف والدوران.
زيد كلمّه عن الي صار ، بتفاصيله.
ريبـال وقف السيارة في موقف سيارات قريب على أحد الحدائق.
التفت على زيد : تبي الصدق؟ ما اقدر ألومك على رد فعلك..
لكن ماتحس انك قسيت عليه بكلامك؟
زيد : بلى لكن ريبال ! حرق قلبي والله ،
لو قال لي انه مايحبني ولا يبيني ، اني أذيته فلا زعلّت عليه..
لكن بكل برود قلب يسحب على اتصالاتي وبعدها بأتصال
ببساطة يقولي خطبت؟ وياريت وقفت لهنا !
لساته مُصّر انه يحبني وهو لابس خاتم ! كيف يقدر؟
ريبـال حط يده على كتف زيد ، حاسس ببحة صوته انه
لو كمل بيبكي.
ريبـال : طيب هو شرح الموضوع انه بسبب أهله وعشان الناس،
لكن يقدر يكنسل الموضوع الحين ويخلص ، ليه المشقة لنفسه
ولك وبعدين للبنت.
زيد ارتفع صوته : هذا الي قاهرني !! بس خلاص ، دامه مايبني
فـ ما ابيه وخلّه يتزوج.
ريبـال: أهدا.. لا تستعجل بقرارك و...
زيد قاطعه : و أيش؟ اندم؟ هو الي قرر كل شي من زمان.
ريبـال ماعرف وش يرد عليه ، تركه ياخذ نفس و عقله يفكر
بموضوع هالأثنين الي جا بشكل محد توقعه.
—
دق الباب حق المكتب وفتح الباب : أقدر ادخل؟
ابتسم غسان اول ما سمع الصوت، رفع راسه مباشرة بأتجاه
الباب : من غير استئذان.
ابتسم إينار و جلس قدام المكتب ، كان بيده ملف انتبه له غسان
: اذا مشغول بروح، كنت بسلم عليك بس.
أنت تقرأ
تـخطـى الحـدود .
Romansaوإننـي لمّـا مِـلْـتُ إلـيكَ , أتّـزنـتُ وفـي مِـيلي إليـكَ , حُــسْـنُ إعتـدالـي. . . . . . . - فـريق من القـوات الخاصـة واعدائــهم ، مابين الحقيقة و الكذب ، الصدق والخداع ، يبقـى السؤال، فــي الحــرب ، هل يتّولَدُ الحُب...؟ - مثليّة (BxB) -ما...
