الاقنعة السوداء

2

_______________________الاقنعة السوداء__

#رغد_خليل
#الاقنعة_السوداء

متابعة الحساب @Raghadkhalil803

‏_inst: _its.raghad_
_‏Tik Tok : _its.raghad_

كان عليك أن تكون بجانبي
عندما هزمتني الأشياء
كان يجب أن تكون سند لي
لا أن تكون من ضمن الأشياء

< تالا >

ماعرف الحل شنو ، والمصيبة هاي اذا عرفتها فضة شلون مادري غفت فضة واني غفيت وياها ، هي لحظات قليلة وافز على حيلي من سمعت صياح فضة ..

الدم بعروكي نشف ، تصررخ بطريقة تخوف ، دخل خالو يركض وراه اديم وامي وبيبي ، لزمها يريد يحجي وياها واني احس لساني نبلع ورجليه ما احس بيهم

نينة :: اسم الله اسم الله

ريمان :: شكو ؟

لزم فضة خالو يحجي وياها
هشام :: شصار ؟ فضة شبيج ؟ تالا ؟

تبجي فضة تقرب مني اديم جر كلاص المي الجان مخلينه قريب فتحه وصب شوية بيده ومسح بي وجهي ، سحبت نفس وحجيت
_ م ما اعرف فجأة كامت تصرخ مادري

هدت شوية فضة ، سندت روحها على الحايط
هشام :: شبيج خالو ؟

فضة :: جان حلم محلو ، النار بكل مكان .

هشام :: اديم جيب مي

راح اديم جاب مي ورجع ، شربها وغسل وجها تنكعت شوية ملابسها ، رفضت تبدل خلت راسها على المخدة ، كعد بصفها خالو
يقرا على راسها ، هدأت ونامت

تالا :: على هاي الخرعة ما انام لسنة ليكدام

اديم :: غريب مو

تنهد خالو وحجة
_لا مو غريب ، جنت متوقع .

تالا :: شنو ؟

هشام :: راح تبقى تشوف كوابيس

اديم :: الحل ؟

هشام :: ماكو حل ..

اشرت لاديم يجيني ، كام من مكانه كومني وطلعنا من الغرفة ، باوعتله وكلت
_ شنو تتوقع رد فعلها من ترجع ذاكرتها او تعرف ؟

تنهد وكال
اديم :: ماعندي علم

سكتت وراها حجيت
_ اني خايفة ، و جوعانة

ضحك وكال
_ هسه نطلب اكل شتكولين ؟

هزيت براسي موافقة ، طلب النا اكل بعد مدى وصل
كعدنا ناكل سوية ، وشاركونا ترنيم وتيما وخالو ..

ريمان :: يلا يمة ابوك وين صار ؟

اديم :: قريب

ريمان :: يمة انا اروحن ، واي شيء ترديونه اتصلوا عليه واديم باقي اصلا هنا هو وتالا وهشام