____________________الاقنعة السوداء__
#رغد_خليل
#الاقنعة_السوداء
متابعة الحساب @Raghadkhalil803
_inst: _its.raghad_
_Tik Tok : _its.raghad_
علينا أن نجد ولو شخصًا واحدًا في هذه الحياة
نحدثهُ عن المصاعب التي مررنا بها ولا يراها هزائم .
< اساور >
بعد ما كملت امي كلامها رد بابا
ابو السُلطان :: خير ان شاء الله هلا بيهم .
باوعت لنيران ، حجيت بهمس
_ اكلج تعرفين منو ؟
رفعت اكتافها وكالت
نيران :: شمدريني اني
اساور :: هم صدك ..
كملنا شلنا الاكل ويا ماما ، وبدينا نجهز وننظف لبيت الناس ما ضل شيء ويجون والعرفته دازين نسوان فقط
فـ طلعوا من لبيت اواب وفيلق وبابا والسُلطان راحوا لشغلهم .
نزلت سمر من فوك باوعتلي من فوك لجوا تهز بيدها ما عاجبها غلست ، شوية ونزلت عمتي هم انتظرناهم واجوي العصر تقريباً رحبت بيهم ماما داحس الصوت الديحجي سامعته قبل ، ماعرف ممتاكدة
لحد ما صاحتنا ماما نيران شايلة الكلاصت واني امشي وياها ، فتحت لباب ودخلت وهنا جانت الصدمة !
اهل فضة ! هاي تالا الكاعدة كدامي !!!!
فهيت بوجههم ندغتني سمر وكالت
_ وثول شبيج صفنتي ؟
رديت عليها وعيوني على تالا ورجعت باوعت لسمر
_ ه ها شنو
همستلي
_ شبيج حرنتي ولج امشي تحركي
ام سمر :: تعاي عمة كعدي
تحركت ومشيت كعدت بصف ماما والمرية تهل وترحب بينا ، بلعت ريكي اني وتالا نباوع لبعض وهي مفتهمة صدمتي !
ريمان :: فدوة شلون ثنين حلوات
ام السُلطان :: تسلمين وبناتج هم ماشاءالله تكول گمر الجبيرة منو ؟
ريمان :: تالا ، وراها ترنيم وراها تيما
ام السُلطان :: ماشاءالله الله يحفظهم حبيبة
ريمان :: ربي يسلمج
نينة :: ما نطول بالسوالف حبيبة ، نحن جايين ونطلب ايد بنتكم نيران لـ ابني هشام ، واساور لـ حفيدي اديم ونتشرف بيكم ان شاء الله
فتحت عيوني بصدمة ، اشرتلي نيران نكوم ، كمنا وسمعت امي تحجي
ام السُلطان :: النا شرف طبعاً ، وان شاء الله نشوف رأي ابوهن واخوتهن ومايكون خاطركم الا طيب
طلعت وكفنا بالمطبخ اني ونيران لطمت على خدودي وكلت
_ شديصير شديصيرررر ؟
نيران :: شبيج !!
أنت تقرأ
الاقنعة السوداء
Mystery / Thriller::- وحشة بدونج .. ابتسمت مستهزئة ، بعد الصار ؟ مستحيل ! بلعت ريكي احس كل جسمي عركاااان ، نتمايل سوية تحت انظار الكل ، يزفر نفس ويرجع يسحب بقوة كانما ، ما اعرف بس .. حجة ::- عطرچ .. دوهني .. دنكت حسيت ايديه تلتف على خصري بتملك ! يعصرني وكانما يريد...
