الاقنعة السوداء

18

____الاقنعة السوداء_

#رغد_خليل
#الاقنعة_السوداء

متابعة الحساب @Raghadkhalil803

‏_inst: _its.raghad_
_‏Tik Tok : _its.raghad_

مو طبعَك تره مخربينك هواي !
چنت ما ترضىٰ أروح وأنه زعلان
لا راضيتني .. ولا بيه أراضيك
وبقينا فلان رايد شوفة فلان ..

< فضة >

سمعت فجأة صوت نعيق غراب ، ذكرني صوته بذلك اليوم المشؤوم التي ابتدت فيه الحكاية ، من المعروف نعيق الغراب فوق المنازل يجلب الشؤوم ومن تلك للحظة التي نعق بها الغراب فوق منزلنا انقلبت الموازين ..

من بعد ما نعق انكلبت موازينا وبعدها ايامنا انكلبت

حجيت بصوت عالي والرجفة واضحة بي 
_ نينة وينج اني خفت

فزيت خليت ايدي على گلبي من اجا صوتها من وراية
_ شبيج فضة ؟

نداريت الها وحجيت
_ شنو وين رحتي

نينة :: غسلت ورجعت ادورج هناك ملكيتج وسمعت صوتج هنا

باوعت عليها ورمشت بعيوني وكلت
فضة :: ها خفت اني ، خلينا نرجع للبيت خلص لا يصير شيء

تباوعلي مستغربة ، اخذت بيدها واني احجي
_ هسه نكعد بالبيت احسن اي ؟

ماحجت ، مشينا دخلت للبيت ودخلت لغرفتي بسرعة
كعدت بالكاع ايدية على اذاني اهز بجسمي
_ نين نينة ، رادت تموت .. اي اي رادت تعوفني رادت تموت هي هي جذبت عليه جذبت راد يصير بيها ..

كمت على حيلي افتر بالغرفة ، جسمي يختض ارجع بشعري بقوة للخلف انفتح لباب وكفت شاهكة

تالا :: فضة ؟

اشرتلها واني اصرخ
_ برا ، طلعي برااااااا

فتحت عيونها مصدومة ، حجت
_ اهدأي شبيج فضة

فضة :: لتتقربون مني تموتون تموتون اني سبب ، اني اني

تقدمت بهدوء تحجي وياي
_ فضة محد مات بسببج

كعدت بالكاع اصرخ واحجي وابجي
_ لا ماتوا اهلي بسببي تزوجت قاتل اهلي خليته يقتل اهلي حبيته وقتلهم بسببي بسببي

تالا :: فوفة الدكتور كال بعد اكو شغلات شوية شوية تتذكرينها مو كلشي تذكرتي

انهاريت حرفياً ، دموعي على خدي ، رجفة جسمي احجي وابجي احس گلبي يريد يطلع من مكانه ماعرف شنو سوت بس تقربت وضربتني ابرة بلعت ريكي اباوعلها وعيوني شوية شوية تنفتح وتنسد
_ تالا

مسحت وجهي بيدها وحجت
_ روحها لـ تالا انتِ حبيبة گلبي فوفة

كومتني واحس روحي رايحة ، اخذتني لفراشي غطتني ورادت تطلع ، لزمت ايدها وحجيت بهمس
_ اخاف