الاقنعة السوداء

23

_______________________الاقنعة السوداء__

#رغد_خليل
#الاقنعة_السوداء

متابعة الحساب @Raghadkhalil803

‏_inst: _its.raghad_
_‏Tik Tok : _its.raghad_

بنص هذا الضياع انتَ المصبرني
وتهديني شوكت ما وكتي وترني
انتَ العافية وانتَ انتصار الذات
مو وياي احسك لا جزء مني
عيونك سالفة تتعب؟
چذب تارس عيون الناس
بس عيونك الحلوات متچذب

لاتنسوا التصويت بالنجمة 🤍
والتعليق بين الفقرات فضلاً وليش امراً 🤍

<فضة>

عقچت حواجبي ، وكفت المرجوحة اباوع فتحت عيوني بصدمة من شفتهم كلهم يدخلون ورسمي شايل مروة بين ايديه واضح انها فاقدة ..

كمت على حيلي ركضت اتجاهم حجيت
_ عزه بعيني شبييهاااا !

حجة اثير
_ صوووتج فضة

رسمي ملامحه جامدة ما يباوع لاحد ، ويمشي بيها داخل لجوا ونحن وراه ، صعد لفوك وصل فتح الباب نريد ندخل وياه لمحت رجليها عليهم دم ، طبك لباب بوجهنا .

بلعت ريكي انداريت اباوع اثير كعد على الدرج ، وجوان طلع يخابر ، وكفت بصف اثير ، كعدت بصفه حجيت
_ شنو صاير ؟

تنهد وسكت ما جاوبني ، رجعت حجيت
_ اثير شنو الديصير !!!

همس
_ بسبب ذراع

لطمت على وجهي وحجيت
_ شسوالهاااا

اثير :: محد يدري صوتج عاد

فضة :: فتيته لگلبي احجي

اثير :: رسمي من عرف بموت نينة هاجم دزاع وضربه ، وخرب عليه شغل ، وذراع ضمها اله و انتقم منه بـ ابنه ..

ضربت على وجهي وحجيت
_ شلووونننن شلووووون !
تنهد وكال
_ خلا مروة بين خيارين ، رسمي او الطفل

نزلت دموعي ادعي عليه ، انفتح لباب باوعنا اني واثير بسرعة رسمي واكف حجة وهو مدنك راسه
_ فضة

كمت على حيلي مشيت اله وكلت
_ هاا ؟
بلع ريكه مسح وجهه وكال
_ ما اكدر اني تعالي

هزيت براسي ، مشيت دخلت وياه سد لباب اباوعله ايديه ترجف كال
_ بالغرفة هي

دخلنا ثنينا اشوفه مخلي كاسة ومنشفة ماسح الدم من رجليها بس مو كله ، كعد بالكاع لام رجلي وخلا راسه عليهم ، حجيت
_ لازمها مستشفى
_ تؤ ، اذا متكدرين اكعد يمامة
_ لا اكدر ، بس ينرادلها دكتورة

اخذت المنشفة ملبسها فستان قصير ، مسحت دمعتي وبديت امسح الدم حجيت
_ ميس اي اي ميس صديقتي دكتورة هي هسه تشتغل بمستشفى ، اساور هم دكتورة بس ميس حتفيدنا اكثر