الاقنعة السوداء

34

_______________________الاقنعة السوداء__

#رغد_خليل
#الاقنعة_السوداء

متابعة الحساب @Raghadkhalil803

‏_inst: _its.raghad_
_‏Tik Tok : _its.raghad

- لا أخاف من استخدام الكلمات، ولا اللكمات، ولا المنطق، ولا الأصابع، ولا الخناجر، ولا الأمنيات، لكنّي أخاف من استخدام قلبّي.

< تالا >

باوعلي وكال :: هاي الحلقة نحطت باصبعج وما راح تنشال الا بيوم يغسلونج و يدخلوج للگبر

كش جسمي حجيت
تالا :: اوي شبيك هي هيج

ضحك وباسني من راسي ، لبسني الذهب ، اباوع للكل
كلهم تعبوا ويانه هاي الفترة وانخبصنا وفعلاً الكل فرحان النا .. حتى ماما من شافت فرحتي فرحت ..

كمل العقد ، حضنتني يمامة وكالت :: الف مبررررروك

تالا :: يبارك بيج ، ومبروك الج

يمامة :: الله شكد حلو زواجنا سوية

تالا :: مو بله

عاطت فضة :: اي والله

ضحكت ، اجتني رساله على تليفوني فتحتها شفت اواب
-طلعيلي انتظرج بسيارة

رديت
-شلون وبابا واخواني ؟

دز
-يعرفون، طلعي بس خلي شيء عليج مو تهيلك

ضحكت ودزيت :: تمام

بلغت ماما ولبنات استلموني ، نطتني اساور شال وطلعت ماكو احد موجود ، صعدت بالسيارة ، سحبني بدون مقدمات يبوس بخدودي ويحجي
-اوووف اوووف

دفعته وكلت :: شنو وين ؟

اواب :: اشرد بيج

تالا :: لا عدا الشقة وين؟

اواب :: ماعرف بس اريد اكون وياج

باوعت بعيونه رفع ايده الي بيها الحلقة باس الحلقة ، رفعت ايدي اشوفه الحلقة مالتي واضحك ، سحب ايدي باس اصبعي بمكان الحلقة وهمس

اواب :: احبچ ..

رديت عليه بخجل
تالا :: احبك

لزم ايدي يباوع بعيوني واني اباوع عليه ، ابتسم دار وجهة يتاكد ماكو احد ، جرني عليه هي لحظات وشفايفه غلفة شفايفي بقبلة ..

اواب :: موَش بـ سوَاد العينَ بـ صَبيها اضُمَچ .

حرك السيارة فترينا شوية ، اشترالي حلويات ورجعنا لبيتهم ، دخلت الوح بالجيس واتمختر بمشيتي وهم يمشي وراية ويصيح :: بطة بطة شفناها