الاقنعة السوداء

33

_______________________الاقنعة السوداء__

#رغد_خليل
#الاقنعة_السوداء

متابعة الحساب @Raghadkhalil803

‏_inst: _its.raghad_
_‏Tik Tok : _its.raghad

مَعقولة نسَاني وَ عايش أيَامه  ،
الچان يگُلي احِبك حَتى بأحلامة .

< يمامة >

اجا اتصال لفيلق ، طلع لهناك ويرجع يدخل مرة ثانية ، وجهه مايتفسر ، وكف السلطان على حيله وحجة :: شنو صاير !!!!

فيلق :: اواب ضرب خطيبها لتالا واشتكى عليه وهسه هو بالتوقيف ..

السلطان :: شنووو !!

نيران :: عزززززه بعيني !!!

كام جوان على حيله وكال :: وين بيا مركز موقفينه؟

فيلق :: ماعرف هسه اشوف ، ضاربه ومشتكي عليه

جوان :: شوف بالله

عرفوا وين وبيا مركز ، حجة جوان :: نروحله يلا

نيران :: يم هشام !!

يمامة :: جاية وياكم ، تكدرين تخابرينه نيران؟

نيران :: هسه اشوفه

جوان :: لا ابقي هنا يمامة

يمامة :: جوان جاية كلت ، تره محامية اني شنو نسيت ؟

باوعلي وحجة :: يلا امشوا

طلعنا السلطان بسيارته ، واني وجوان وفيلق سوية
وصلنا نزلنا السلطان تقدم النا وكال :: خابرني هشام عباله ما ادري .. هو جوا وياه وهذا صافي موجود هم

دخلنا سلمنا تليفوناتنا ، استفسر جوان ، وكدرنا نعرف وينهم وثنينهم بغرفة ويا ضابط برتبة عالية ..

دخلنا الهم ، هشام موجود باوع اواب لـ سلطان ودنك
باوعت لصافي وجهة مشوه ضاربة هواي !
تصافح جوان ويا الضابط وكاله
جوان :: اني محامي اواب رامي ، والانسة يمامة ايضاً

بعد جر وعر بالسالفة ، مانشوف الا تالا واديم وابوها يدخلون ، اباوع ابوها يخوزر بـ اواب

كامله الضابط صافحه ، كعد واستفسر على الموضوع
-سيادتك صايرة مشاجرة بينهم بس ثنينهم مديحجون السبب

بلعت تالا ريكها ، حجة ابوها
-بنتي تالا محامية صافي ***** وزوجته

باوعتله تالا ، كور اواب ايده بعصبية

صافي :: اني ماريد اكبر السالفة

جوان :: الي تريده شنو ؟

صافي :: يعتذر واسحب الشكوى

فيلق :: شتريد ؟؟

باوعله صافي مغلس ، ضحك أواب بأستهزاء ، باوعله هشام وحجة :: يعني انتَ تتوقع راح يعتذر ؟