الاقنعة السوداء

11

____________________الاقنعة السوداء__

#رغد_خليل
#الاقنعة_السوداء

متابعة الحساب @Raghadkhalil803

‏_inst: _its.raghad_
_‏Tik Tok : _its.raghad_

وتِدري مِنك
لو تِصِح كِلمة شِلوّنَك ؟
چا گِلِتلَك إنتَ لوّني ، وباهتة
سِنين العُمُر مِن بَعد لوّنَك .

< فضة >

حجيت بخجل
_ ا ان شاء الله خلي اكوم هسه بديت اطفي
فتحت عيوني اباوعله من حجة
_ ضلي بحضني نايمة
حجيت ادفعه
_ شنو يمعود
ضحك وكال
_ نامي ومن تغفين اروح
_ لا على بختك خليني اكوم يلا يلا شو وخرلي
ضحك بصوت عالي وكال
_ توكعين بيدي اول تالي
عطت بصوت
_ ولج يُمااا وخرررر

دفعته بقوة وهو مات مات من الضحك بحيث وجهه احمرررر ، ضحكت على ضحكته وكمت اطوطح دايخة وطلعت بدون لا اباوع وراية ، رحت لغرفتي تمدد ودخلت بسبات حرفياً .

كعدت ما اميز دنيا صبح ظهر عصر ليل وشنو لوضع مادري ، كمت من مكاني وكفت استوعب الدنيا و صداع لازمني ، مشيت للحمام غسلت وجهي ونزلت اباوع كلها تصيح
_ صباح الخير صحنوم ، كلنا متي يمعودة من لبارحة

ابتسمت باحراج رجعت شعري ورا اذاني وكلت
_ مادري والله من لعلاجات اكيد

دخلت يمامة دتساعدهم بنقل الاكل وحجت
_صح النوم ، السُلطان خابر على عمي علمود تطلعون تختارون الغرفة

حجيت ممفتهمة
فضة :: ياغرفة

هزت بيدها وكالت
يمامة :: غرفتكم غير ، عرسكم بعد شهر تقريباً يادوب تلحكين

فتحت عيوني مصدومة وكلت
فضة :: هاي شبساع ؟

دخل اثير مبين مزعوج حجة
اثير :: الله بالخير

فضة :: هلا اثير

اخذ كلاص مي شرب ، وضل واكف يباوع لملامحنا وكال
_ شبيچن ؟

حجت يمامة بدون لتباوعله
يمامة :: ماكو شيء تحدد عرس فضة

رفع حاجبه وكال
_ شوكت ؟

فضة :: الشهر الجاي عمو كايل

سوا حركة بحلكه معاجبه وطلع بدون ليحجي تريكنا وكملنا بدلت ملابسي وصلتني رساله من سُلطان هو بالطريق فتحتها ومرديت .

شوي واجتني شمس بلغتني بوصول السُلطان وانهم يردوني ، باوعت على نفسي نظرة اخيرة بالمراية اخذت جنطتي ونزلت .

شفت اثير واكف ، تقدملي خلا ايده على چتافي وكال
_ تعاي ندخل سوية عليهم

ضحكت وكلت
_ اي علمود يعرف عندي سند

اثير :: يعرف من زمان

ابتسمت ، دخلنا يمهم جان واكفين هو وعمي وجهه بوجهه ويحجون اول مدخلنا انكطعت سالفتهم ، ابتسمت وكلت
_ هلاو .