الاقنعة السوداء

5

_______________________الاقنعة السوداء__

#رغد_خليل
#الاقنعة_السوداء

متابعة الحساب @Raghadkhalil803

‏_inst: _its.raghad_
_‏Tik Tok : _its.raghad_

اتعرفين ما السعادة؟

أن اخبرك بأني احبك
افعلها يوميًا لكن
في كل مرة اخبرك بأني احبك
ولا اجدك هنا ينحز عنق الفرح

أن بقائي دون نوم هو انتظار
لاختفاء تلك الاوهام .

< فضة >

اختارينا مكان وكعدنا سوية هو كبالي مبتسم
ابتسمت ودنكت اعصر باصابيعي اخفف توتري شوية
_شلونج ؟
_زينة بس هواي تسالني شلونج
ضحك وسحب چكاره ورثها يسحب منها نفس طويل ويزفر تحمحمت وحجيت
_سُلطان
_رو.. ها عيني كولي
_ اريد اعرف شصار وياي شلون ؟
طفة الجكارة بالنفاضة عدل كعدت طبك ايديه ببعضهم سندهم على الميز وكال
_ شنو تردين تعرفين ؟
_ اهلي ، اهلي وين ؟

السُلطان :: واذا عرفتي وبعدين ؟

فضة :: يبرد كلبي لان كلها متقبل تحجيلي

السُلطان :: بشنو شاكة ؟

فضة :: ماريد احجي بالحاسة بي ماريد بس اريد اعرف ليش عافوني وراحوا سافروا

ضم حلكه لداخل ورجع حجة
_ فضة دكتورج شنو كال ؟
رجعت شعري ورا اذاني وكلت
_ كال بعد وكت وكال انو اديم وهشام هو يكولون الي بالوكت المناسب .
_ وانتِ ليش دتعاندين وتدورين وراهم ؟
_ كلبي يوجعني محد حاس بيه اريد افتهم انا وين بينا نقطة !
_ وبعدين ؟
_ اريد ارتاح كوابيس موتتني اريد اعرف اهلي ذولةةة اهلي
_ بس وضعج الصحي ميسمح تعرفين اي شيء
عقجت حواجبي وحجيت بانزاعج
_ هو شنو ما يسمح ! انا اريد اعرف سُلطان !!! اهلي ذولة
اختي وامي وابوية ليش مديسالون عني حتى ما كلفوا نفسهم و و حجوا وياي او تطمنوا عليه من يوم طلعتي من لمستشفى لليوم هذا ما رفعوا تليفون عليه !
شهكت احجي بسرعة وانفعال سحب مي فتحها وقدمها الي
السُلطان :: اشربي

اخذت البطل من ايده شربت نصه وهو يراقبني
ابتسم وكال
_ كهوتج ؟
_مُرة
_ امم فوفي معصب !
_ ها ؟
_ من يكون مزاجج مو عدل تشربين كهوتج مُرة !
_ وانتَ وانتَ شمدريك ؟
_ اعرف ادق تفاصيلج

ابتسمت مدنكة راسي طلب النا ثنين كهوة وضل يسولف وياي سوالف عشوائية ، مر وقت لابأس بي لح عليه نتغدى سوية بس رفضت وطلبت منه يرجعني لجامعة
طلعنا وتوجهنا لجامعة
السُلطان :: مو اخر لقاء مو ؟

بلعت ريكي وكلت
_ ب بس لديصير غلط سُلطان

السُلطان :: اعرف غلط وحرام بس نيتي مو هيج

فضة :: مادري اني خايفة .

مسحح وجهه بكف ايده وكال
_ فضة اذا اطلب ايدج توافقين ؟