الاقنعة السوداء

32

_______________________الاقنعة السوداء__

#رغد_خليل
#الاقنعة_السوداء

متابعة الحساب @Raghadkhalil803

‏_inst: _its.raghad_
_‏Tik Tok : _its.raghad

الما يندّل خيَالي بروحَي ما أخليَ
وما يرهمّ عليه لو نِفس جيته
التعداني بحِلم يلگاني عابُر ليل
الفجر گبل الشمسّ بعيوني وشلته
الما يشتاگلي ينترس حضنه فراگ
على الملگه من أسَولف ما تذكرته .

<تالا>

بلعت ريكي وكلت :: نعم وانتَ وكيلي ..

هلاهل ماما وخالتي ، سئل السيد صافي وانطاه الموافقة
السيد :: عالخير والبركة .. الله يتمم الكم ..

مسحت دموعي ، طلع بابا ويا السيد
وخرت عني ماما الشال تباوع بوجهي ، خزرتني حجيت بهمس
_ شتتوقعين مثلاً ؟

ريمان :: عبالج مادري كل هذا علمود اواب ؟

نصدمت منها ، باوعت عليها حجت :: اخلي ابوج يذبحج والله تالا والله ، صرتي على ذمة صافي !!

سكتت ، عدلت وجهي بيدها مبتسمة وكالت :: من لخوف والتوتر ، طبيعي اي بنية يصير وياها هيج

صافي :: ميخالف خالة .. عوفيها براحتها

باوعتله الحقد بكلبي انترس عليه ، رجعت دنكت راسي رغم معليه وميعرف بس كرهته ماعرف شلون راح اعيش وياه !!

لبستي الحلقة ، انطتني ماما حلقته وكالت :: لبسيه حبيبتي

باوعت بوجها نداريت اله نطيته ياها وحجيت بهمس :: البسها انتَ ماكدر البسك ايدي ترجف

صافي :: مو مشكلة

رجع بابا وكف كدامي ، دنكت راسي اتقدم باسني من راسي وكال :: الف مبروك بنتي

بهدوء همست
تالا :: شكراً

صافح صافي ، وطبطب على چتفه وكال :: انطيتك شمعة من شمعات بيتي حافظ عليها ولا تطفيها

صافي :: ان شاء الله عمي بعيوني ..

صادق :: الف مبروك ..

باوعت عليه ، ما يباوع بعيوني ويتلافى كلش ينظرلي
شغلوا البنات اغاني يركصون لحوا عليه اني وصافي نركص سوية ماقبلت كعدت على الكوشة اصفك
وامي وخالتي ولبنات يركصون ..

اجتني ماما وكالت :: ليش متركصين بنتي ؟

تالا :: رجليه تاذيني ، بلغتي اديم ؟