الاقنعة السوداء

24

_______________________الاقنعة السوداء__

#رغد_خليل
#الاقنعة_السوداء

متابعة الحساب @Raghadkhalil803

‏_inst: _its.raghad_
_‏Tik Tok : _its.raghad_

بَعيِداً عَن ظُروفي وعَن ظُروفك
أنتَهت بيناتنا بس أرد اشوفك
شَعليها المشاعر بالقرارات
انه العايفَك وأنطر حروفك
مجربهن واتَعس شِي بالفراك
مِن مَا أريد اعوفك بس اعوفك ..

<فضة>

سحب جوان ورقة قراها بصوت عالي
‏_ Oops game over ، فضة وجوان ، سلامي وصلوه لسُلطان اني الي ابدي واني الي انهي ..

اخذتها من ايده اباوع ، وبنهاية الورقة توقيع ذراع
شمرتها بقهر ، وطلعت من لغرفة

اخذت تليفوني ، اتصلت على خالو فتح خط حجيت
_ هذا خبل والله احلف عليه خبل
اجا صوته يحجي ويا احد بصفه ، بعدها كال
_ شبيج شكو ؟ منو ؟
_ خالو هذا يعرف كلشي شلون اريد افتهم !!!
_ فهميني فضة ؟

شرحتله الصار ، كال :: تمام فضة كلشي بعد لتسوون هسه ، انتظروا من عندي خبر

فضة :: تمام ..

غلقت الخط وزفرت نفس بقلة حيله ، افكر شلون اكدر اوصل للملفات والفلاشة ، طلعت اتمشى اجاني اتصال من اديم فتحت خط
_ هلا دمدم
_ شصار ؟
_ حجالك خالو ؟
_ اي حجالي

رفعت راسي شفت شمس تباوعلي ، بلعت ريكي وكلت
_ امم اي ؟ جيد ..
_ شنو شبيج ؟
_ اني بخير طول ما بعيدة عنكم
_ شنو ؟
_ خلص خالو ميريدني هاهيه اني هم ما اريدكم
_ فضة يمج احد ؟
_ اي
_ منو ؟
_ الشمس اليوم منين طالعة ، شعجب مخابرني اديم ؟
_ اها وصلت ، خلص تمام اخابرج بغير وقت .. بالي شغلة
_ الله وياك ..

غلقت الخط اباوعلها ، شفتها مادري شون وضعها ابتسمت وكلت
_ تعاي كعدي يمي اذا تحبين
تقدمت مخلية اظافرها بحلكها بتوتر ، كعدت بصفي رجعت شعرها وراه اذانها وكالت
_ جنتي تحجين ويا منو

تنهد وكلت
_ ويا اديم ..
_ اها وشنو يريد ؟
_ على اساس يتطمنون عليه هه
_ هو مو ما يردونج ؟
_ ايي جذاب شبيج
_ لا خطية يجوز هو يحبج بس خالج لا
_ اني ما احبهم
_ خالج ما ينحب ، بس اديم احم يعني شسمه حباب وهيج

رفعت حاجبي وكلت :: هو اي اديم يعني يحبني وهيج

شمس :: امم ، شعجب تزوج اخت السُلطان ؟

فضة :: يحبها يعني

شمس :: يحبها ؟ ما احس

فضة :: لا يحبون بعض

شمس :: بس السُلطان هو قاتل اهلج

بلعت ريكي ، غمضت عيوني ورجعت فتحتها ما احب احد يفتح هل موضوع ، ابتسمت وكلت
_ اي بس هي مالها علاقة ..