الاقنعة السوداء

25

_______________________الاقنعة السوداء__

#رغد_خليل
#الاقنعة_السوداء

متابعة الحساب @Raghadkhalil803

‏_inst: _its.raghad_
_‏Tik Tok : _its.raghad_

مشكَلة من تحس وجودك والعـدم صارن سـوه
مشكَلة التعتبره نسمة يبيعك بـ اقرب هوى
مشكَلة من يطفى كلبك وانتَ بعيونك ضوه
مشكَلة من تحس وجودك ماله عازه
مشكَلة تحس انتَ ميت وانتَ مشايف جنازه

< فضة >

طلع جوان من جيبه عجيبه وبدا يطبق المفاتيح واني اطكطك بصور اخذت الاوراق هم الي يم جوان وصورته بلعت ريكي رفعت راسي اريد اتاكد ماكو احد والا اشوف ذراع يطلع من لبيت متوجهه باتجاه السيارة ، شهكت وعطت وكعن الاوراق من ايدي

فضة :: ذراع !! عزه بعيني نلكفنا جوان !!

لازم جوان اخر مفتاحين ضلن ، اخذت صورة لاخر ورقة رجعتهن بسرعة بمكانهم وعيوني على ذراع الي راح يوصل يمنا ، بس مديشوفنا لان سيارته مضللة

فضة :: خلص متنا متنا هاهيه احتركت ورقتنا

رتب جوان كلشي بعجلة وحجة
_ طفررري لورا بسااااع طفري

فضة :: وانتَ؟؟؟؟

جوان :: لج بسرعةةة

طفرت واني اردد
_ وجعلنا من بين ايديهم سداً ومن خلفهم سداً فاغشيناهم فهم لا يبصرون ..

اباوع لجوان ،نطاني العجينة حجة
_ ضميها ، ما راح يشوفج اول ما يفتح لباب ويشوفني حاولي تطفرين من لباب ليمج

فضة :: قافلة السيارة جوان

ختلت اكثر ، واني ادعي ميشوفنا مد ايده ذراع يفتح لسيارة بلعت العافية حرفياً ، من لخوف احس راح اتخربط ، والا ما نسمع الا صوت آسر يصيح
_ عمي ذراع ..

عاف اليد ذراع ، ندار يباوعله ، كال آسر
_ نحجي ؟

ذراع :: بخصوص؟

آسر :: اتفضل نكعد ونحجي

ضحك ذراع وكال
_ شنو هاي الاحترامات ؟

آسر :: مو لخاطرك ، لخاطر جوان ماريد يصير عليه شيء

ذراع :: اممم علمود الشحنة صحيح ؟

هز براسه وكال
_اعرفك تجبره

رجع جوان راسه للخلف زفر نفس براحة ، تنهدت نزلت ايديه من وجهي ، حسيت طخت ايدي بشيء تلمست شيء صلب ، سحبته والا سلاح بلعت ريكي وكلت
_ جوان !

باوع عليه ، حجة
_ وين جان ؟

فضة :: جوا الكشن

جوان :: بالله نطيني