الاقنعة السوداء

6

_______________________الاقنعة السوداء__

#رغد_خليل
#الاقنعة_السوداء

متابعة الحساب @Raghadkhalil803

‏_inst: _its.raghad_
_‏Tik Tok : _its.raghad_

تعَال أحَچيلَي شيَحلها !
عَيُونك مَاتحَبني الفَدوة أروَحلها ‏ اناَ لخاطُرك رحَت اعتذر مَن ناس
چَانَت لـو تِسَلُم مأ أكوم إلها .

< فضة >

شهكت مصدومة انتبهولي ثنينهم نزل عمي السلاح بساع ندار يأمنه وخلاه بصفحته عدل ملابسه اباوع عليهم ثنينهم ارتبكوا حجيت
_ ش شنو هذا الديصير ؟

باوع عمي بنظرة ماعرفت افسرها على اثير ، خزره اثير وعافه متوجهه الي اول ما وصلي جرني من زندي يمشي بسرعة واحاول الحكه ما اوكع واني ما مفتهمة شيء احجي ويا ما يرد
_ اثير ، اثيرر على كيفك راح اوكع

اثير :: امشي مو عندج دوام ؟

اريد افك روحي منه حتى اذالي ايدي
فضة :: ا اي ردت اكلك اذا توصلني ايدي اثير شبييك

دفعني للمطبخ يم عمتي انصدمت من تصرفه ، حجت عمة
مسرة :: هاي شكو ؟ ليش دفعتها هيج شبيكم

اثير :: ماكو شيء اتريكي يلا علمود نروح

حزت بخاطري ، كعدت واحس الدمعة بطرف عيني
لاحظوني شلون انقهرت اتقرب اثير يمسح بوجهه باسني من راسي وكال
_ اني اسف اعتذر

حجيت والغصة واضحة بصوتي
_ ماسويت شيء تره اني ، هو جان سلاحه براسك !

شهكت عمة ولطمت على صدرها وكالت
_ سلاااااح ذراع براسك !!!!

اثير :: لا سوء فهم مو هيج يعني

مسح وجهه ميعرف شيكول وكعت دمعتي وكلت واني امسحها
_ شهل سوء الفهم هذا الي يخلي يريد يقتلك !

اثير :: كافي حبيبتي اني اسف مو قصدي اضوجج

هزيت براسي ، اكلت شوية بعدها طلعنا وصلني لجامعة
دخلت بساع محاضرة ، بعدها طلعت ادور على اساور وميس توقعت هم بنادي اخذت تليفوني اتصل على ميس

لمحت السُلطان كاعد ويا جماعته وزين العابدين وياه
ابتسملي رديت الابتسامة فتحت ميس خط وكالت
_ بالكافيتيريا اني تعاي

فضة :: اساور وين

ميس :: استغفرالله

وسدت الخط بوجهي ، هزيت ايدي واتصلت على اساور كتلها تجينا توجهت الها شفتها كاعدة تشرب گهوة شافتني كامت باستني تسلم عليه وكعدنا نحجي

ميس :: شلونج ؟

فضة :: زين ، يم عمامي اني

ميس :: شعجب ؟

فضة :: لا يعني ارجع لنينة بعدين بس هاي لفترة ابقى يمهم

اجتي اساور مبتسم باوعت صفح ميس وسلمت من ورا خشمها واساور حست عليها لاحظت احمرار وجهها يعلن عن فشلتها
_ كعدي ليش واكفة