_______________________الاقنعة السوداء__
#رغد_خليل
#الاقنعة_السوداء
متابعة الحساب @Raghadkhalil803
_inst: _its.raghad_
_Tik Tok : _its.raghad_
ياما گتلك لاتضيعني من ايديك
وياما گتلك ديربالك ع گلبي روحه بيك
وجنت اذا اتأذه من انسان اجيك
هسه من عندك أذيتي
ياهو الأشكيله عليك؟
< فضة >
رفعت راسها ، بلعت ريكها تباوعلي وكامت على حيلها
_ السُلطان
باوعلي ورجع كال : كملتي ؟
اساور : شعجب انتَ؟ اواب وين
السُلطان : صديقتج ؟
خزرته وكالت :: اي صديقتي
ابتسم تك خد وكال : ما عرفتينا ؟
اساور :: صديقتي وبس !!! ما يحتاج لمعرفة مو سُلطان ؟
هز براسه يضحك ، وكال
_يلا اواب جان عنده شغل واني ماعندي شيء كلت امر عليج ، بس محاسن الصدف اسو ..
قاطعته وهي تاخذ جنطتها وتكول
_ حبيبتي فضة نتواصل نحن هسه اترخص
ابتسمت بوجهه وكلشي ممفتهمة وكلت
_ اكيد حبيبتي الله وياج
لوحت الي بيدها رفعت ايدي لوحت اني هم الها
اخذت تليفوني اتصلت على خالو فتح خط وكالي
هشام :: عزيزة روحي
فضة :: خالو اني كملت اذا تمرلي ؟
هشام :: صارلي شغل ، اديم جايج بالطريق
كتله تمام وسديت الخط ، انتظر شوية دك الي اديم اخذت الجنطة والاغراض مالتي وطلعت اتمشى للباب ..
فتحت باب السيارة وصعدت مشغل تدفئة صعدت سلمت عليه وهو كال
_اخذج لبيتنا ؟
فضة :: لا تعبانة اريد اروح انام ، وما كلت لخالو لو لنينة
حرك السيارة وحجة
اديم :: وشنو لازم اخذلج اذن قبلها انسة فضة ؟
ضحكت وكلت
_ لا بس طول ما اهلي سافرو وعافوني يمها لنينة لازم اكللها او اكول لخالو هم مسوؤلين عني
باوعلي صفح ، ومارد اخذ باكيت جكايره ورث وحدة ..
وصلني للبيت وراح ، نزلت اريد ادك لباب مفتوح شوية جان ، دخلت للبيت واني اصيح
_نينة
عفت اغراضي على صفحة دخلت للمطبخ ماكو اتقدمت من شفت ورقة معلكة على الثلاجة ، اخذتها قريت
_اني رايحة للمحل ، الاكل جاهز على الطباخ بس حمي واكلي، ونامي وارتاحي من ارجع اكعدج تقرين .
أنت تقرأ
الاقنعة السوداء
Mystery / Thriller::- وحشة بدونج .. ابتسمت مستهزئة ، بعد الصار ؟ مستحيل ! بلعت ريكي احس كل جسمي عركاااان ، نتمايل سوية تحت انظار الكل ، يزفر نفس ويرجع يسحب بقوة كانما ، ما اعرف بس .. حجة ::- عطرچ .. دوهني .. دنكت حسيت ايديه تلتف على خصري بتملك ! يعصرني وكانما يريد...
