الاقنعة السوداء

15

____________________الاقنعة السوداء_____

#رغد_خليل
#الاقنعة_السوداء

متابعة الحساب @Raghadkhalil803

‏_inst: _its.raghad_
_‏Tik Tok : _its.raghad_

- الحزن هو أن تدرك أن اللحظات السعيدة كانت مجرد استراحة قصيرة في مسيرة طويلة من الألم.

_______

صياح ، صدمة ، لحظات غير متوقعة و .. موجعة
دموعي على خدي اصررررخ بصوت ما مستوعبة الي ديصير
تالا تحجي بتليفونها مداكدر اركز بالي كاعد تكوله ولا حتى بالديكولونه الي ، يحاول يلزمني بس ادفعه عني ، خالتي كدامي ..

صرخت بصوت عالي ، الذاكرة ، اي اي الذاكرة دترجعلي !!!
دموعي تنزل على خدي چمر ، حالتي يُرثى لها ماعرف شلون اخذت تليفون تالا من ايدها احجي واردد ما واعية على نفسي
_ اهلي ، اهلي اهلي ماتو ذهب احتركت احتركت

ماعرف شنو الي ديصير حواليه كل الي براسي اصوات ، اصوات السيارات ذاك اليوم
صياحهم ، الدفاع المدني ، ناس بالبيت سواد يفتر كدامي ناس لابسين لون اسود ..

راسي يوجعني حيل ديوجعني بوكتها ! شنو صار بعدها ما ادري

صرخت بصوت عالي حسيت گلبي يريد يطك يريد يطلع من مكانه
اجاني صوت من تليفون
_ فضة ، فضةة لا تخبلييييني ، والله وحك كل دمعة وكل صرخة طلعت من عندج اطلعها من عيوووووووونهم دتفتهميييين ؟

حجيت بضعف
فضة :: اديم ، اديم گلبييييي ما اتحملللل هواااااي على كلبي هووواي

نسحب لتليفون ، اباوع كدامي السُلطان صررخت برررعب كمت اشوفه شيطان وكدامي ، اخذت تليفون سديت الخط واني اصررخ
_ قاتل قاااااااتل اتصلو اتصلوو على الشرررررررررطة

بعدها بثواني معدودة ، برودة صابت جسمي ، حسيت بشيء نزل على عيوني ، وفقدت الوعي ..

كعدت بعد مدة بالمستشفى، احس بالالم بكل جسمي
راسي حيل يوجعني حيل ، ضليت مغمضة عيوني اكيد الي صار حلم ، اي اي حلم ماريد افتح عيوني ماريد اشوف شيء ولا اسمع ماريد احد يمي ماريدهم ..

لحد يوصل يمي ماريد اي بشر ، كلام يتكرر بعقلي
كلهم راح يموتون بسببي ، اي خالتي كالت بسببي بسببي ماتو وهسه هم راح يموتون كلهم من وراية فزيت من سمعت صوت

هشام :: فضة ؟ كاعدة !!!

بلعت ريكي باوعت عليه ، ودموعي صارت تنزل
اريد صوتي يطلع مداكدر احس بلاعيمي متجرحة ، اجهزة بكل جسمي وعلى گلبي ، راد يتقرب مني خالو رفعت ايدي اشرتله يرجع وكف مصدوم .