الاقنعة السوداء

البداية

____________________الاقنعة السوداء_____

#رغد_خليل
#الاقنعة_السوداء

متابعة الحساب @Raghadkhalil803

‏_inst: _its.raghad_
_‏Tik Tok : _its.raghad_

- هناك خسارة تبقى في داخلك على شكلِ ضيق لا يمكن لأحد اقتسامه معك، تحمله معك لمسافاتٍ طويلةٍ فقط.

_____

منطقة شعبية صغيرة ، في قلب العاصمة ..
صباح يوم مُشرق ..  نعق غُراب مرتين فوك منزل صغير ..

::- فضةة كوووومي

نكلبت لجهه الثانية ، سحبت المخدة البصفي
وخليتها على راسي اعيط
_ عوفووووووني اريد اناممم

رجعت تصيح :: ولج صارت الدنيا ظهرررر

وخرت المخدة ونكلبت على ظهري ، فتحت لباب ودخلت تحجي
:: شلون يعني متكعدين ؟  ديلا داشوف شلون متكومين

توجهت للبردات فتحتهم غطيت وجهي بيدية وكلت
_ اهوووووو

فتحت الشباك لفحتني نسمات هواء بارد
_ لج اححح بارددة ذهب والله اذا كمتلج

باوعتلي صفح وهزت بيدها تحجي :: كومي فضة يلا ماما راح تجي تنعنع ضلوعچ

_ اوووف اووووووفففف

عافتني وطلعت ، كمت من مكاني احب النوم وميخلوني انام تعنيف أُسري ، غسلت وتوجهت للمطبخ شافتني ماما ابتسمت وكالت
_ بيت خالتج راح يجون

فضة :: هلابيهم

رتبنا لبيت اني وذهب ، بابا بالمحل شوية واجوي اخذت تالا من بعد ما تسالموا وحجوا شوية ، واديم كعد يكلب بتليفونه .

فضة :: شصارر ماصااار ؟

ابتسمت وكالت
_ على شنو ؟

فضة :: شفتي مرة ثانية لـ اواب ؟

دنكت راسها وحجت
_ باعي هو يعني

سندت حنجي وكلت
_ تويتي اطلع بالنظيف

ضحكت وكالت
_ اخذ رقمي ، ودنتواصل صار فترة وهيج ..

غمزت الها وكلت
_ الامور متطورررررة

ضحكت بخجل ، وماردت ، حجيت
_ جنچ عشكتي ؟

رفعت راسها وكالت
_ لاااا ولج

بلعنا ريكنا ثنينا من سمعنا صوت اديم يكول
_ منو العشگانة ؟

وحدة تباوع لثانية ، حجت تالا والخوف واضح بملامحها
_ محد

رفع حاجبه ما حجة شيء اخذ مي وطلع لطمت تالا على خدودها تحجي
تالا :: صخام صخام اكيددد سمععع اكيددد

حجيت بخوف
فضة :: شنو معقولة

ضلينا لا ناخذ ولا ننطي ، راحوا بعد كم ساعه ، تالا تداوم بالجامعة وتروح وترجع وتسولفلي على تطوراتها هي واواب وحتى صاروا يطلعون سوية ومخطط اول ما تتخرج يجي يخطبها ، واني هل سنة خامس وبعدها وراية وزاري