الاقنعة السوداء

19

____الاقنعة السوداء_
#رغد_خليل
#الاقنعة_السوداء

متابعة الحساب @Raghadkhalil803

‏_inst: _its.raghad_
_‏Tik Tok : _its.raghad_

أنا الأن،فَي اقصَى مراحَل ضياعّيِ
اين اهرُب ؟
الاصَدقاء ليسَ اصدقاء
والبيَت لم يعّد
ينهَي كُل هذه المُتاهَة
والقُلب الطَيب
الذي كاَن يعّطيني الامل
قد تمَزق بشگل بشعّ
وانا ؟
انا لمَ أعّد لي
نسيتني بأگمَلي في المَاضيَ .

  

                             < نيران >

غلقت الخط منهم ابچي ، نزلت سمر على صياحي
تركض هي وعمتي
كعدت عمتي يمها تضرب على وجهها وتحجي وياها بس ماكو رد ، دموعي تنزل مانعرف شنسوي وبابا ميجاوب ولولد بالطريق جايين .

ركضت سمر جابت مي ونطتها لعمتي ذبت على وجها بس ماصحت ، ندكت لباب بقووة ، ركضت بساع فتحت لباب طلع بوجهي السُلطان حجة
_ وينها ؟
حجيت بسرعة
_ جوا ، بالصالة يم عمتي

دخلوا يركضون وراه اواب وفيلق ، باوعت شفت زين العابدين وكف يم السيارة ما دخل ، رحت وراهم اريد ادخل طلع السُلطان وهو شايلها بين ايديه ويصيح على الولد ، حجيت واني ابچي
_ اريد اجي وياكم

ما رد عليه ، طلعت ورا اركض صعدها بسيارة وصعدت بصفها خليت راسها على رجليه احجي وياها وابجي والسُلطان حرك سيارته بسرعة وطلعوا ورانا اواب وفيلق وزين .

وصلنا للمستشفى نزلنا بسرعة ودخلوها طوارئ
غطيت وجهي بيدية ابچي ، حسيت باحد حضني عرفته السُلطان
_ لاتبجين مابيها شيء ان شاء الله
شهكت وحجيت
_ ماشفت منظرها شلون گلبي ميتحمل بعد اخسر احد والله

تقدم اواب سحبني من ايدي يحجي وياي
اواب :: شنو هذا الكلام ، ماكو شيء حبيبتي مابيها شيء

نيران :: ان شاء الله

فيلق كاعد ايديه على راسه ، تقدمله زين يحجي وياه
والسُلطان واكف مخلي ايديه على خصره منا ومنا ينتظر
طلعت الدكتورة وبلغتها
_ لو متاخرين جنتوا خسرتوها ، مضروبة جلطة والحمدالله عدت مرحلة الخطر

شهكت ونزلت دموعي ، صفن السُلطان ميعرف شيحجي
واوب كال
_ ندخل نكدر ؟

الدكتورة :: نايمة حالياً ، بس مو مشكلة ورجاءً لا تتعبونها من تكعد وضعها متدهور انتبهوا عليها

فيلق لا ياخذ ولا ينطي ، وسُلطان رفع ايده يمسح على گلبه ، دخلنا كلنا ورا اواب بس زين ضل واكف برا .

وكعد يمها السُلطان سحب ايدها يبوس بيها ، تنهدت ساكتة من يوم العرس بعدها اختفى السُلطان والعرفنا معتقل وماما انهارت حرفياً .

بعد ما حققوا بالموضوع وطلع السُلطان ، رفض يجي للبيت رغم شكد طلبت ماما بس ما اجا وبابا ملتزم الصمت وماله حيل لشيء ابداً .