الاقنعة السوداء

10

____________________الاقنعة السوداء__

#رغد_خليل
#الاقنعة_السوداء

متابعة الحساب @Raghadkhalil803

‏_inst: _its.raghad_
_‏Tik Tok : _its.raghad_

فَاتحِ عيوني أعلى الصَور
ومخلي عيني بعينك.!
ألكاك تضحك مَبتسم
وأبچي وأكلك وينك؟.

                                < فضة >

لهناك اثناء مديفتح لباب اثير سمعنا حجي واتوقعت هذا ابو السُلطان ، صوته واضح منقي كلماته زين ويحجي برزانة
_ جيتنا واضحة وجية خير ان شاء الله ، جايين وطالبين القرب منكم وعلى سنة الله ورسوله نطلب منكم محروستكم وبنت اخوكم فضة لـ ابني السُلطان

بطني كامت تخبط لزمتني الرچفة واحس اريد اتقيئ
مشاعري تخربطت مادري شجاني فررح وهيج فراشات بـ بطني ، ولهناك واسمع صوت عمي ذراع يرد عليه ..
_ ان شاء الله ما يكون خاطركم الا طيب .

باوعت للبنات اضحك اجتي عمتي وكالت
_ قدمي الضيافة لنسوان يلا

هزيت براسي اخذت من يمامة الصينية ومشيت وهم وياي واحسها تهتز بيدي من قوة الرجفة دخلت واني اكول
_ السلام عليكم

ام السُلطان :: وعليكم السلام هلا بنتي

وردت مرية ثاني
_ وعليكم السلام

اباوع اساور ونيران موجودات ، وبنية هم ماعرفت منيه
قدمتلهم العصير مبتسمة كعدت شوية وهم يحجون اشرتلب عمتي اطلع طلعت واني اهفي على وجهي توتر مو طبيعي .

بعد ما راحو صعدت بدلت ملابسي اجتني شمس تكول
_ عمو يريدج ، عمو ذراع

هزيت براسي وكلت
_ جاية ، اثير ويمامة وين

شمس :: يمه كاعدين كلهم

هزيت براسي مرة ثانية راحت ونزلت وراها ، دخلت وعمو حجة
_ تعاي بنيتي كعدي

طبطب على مكان بصفه ، تقدمت وعيوني على اثير ويمامة كاعدين ولبقية هم كعدت يم خلا ايده على راسي يمسح بحنية وكال
_ تعرفين ما يحتاج احجي ، فضة انتِ نفس بنتي والي تردينه يصير ، ما اجبرج اني بس هم يردون نردلهم جواب
وتدرين اني هم ما احب الف وادور الناس خوش ناس ومعرفين تجار معروفة ، شكلتي يابه ؟

دنكت راسي وجهي احس صار نار وكلت
_ ل الي ت تشوفه انتَ عمو

ذراع :: يعني هاهيه يابه على بركة الله ؟

هزيت براسي وكلت
_ اي عمو

باسني براسي وكال
_ الف مبروك حبيبتي

فضة :: يبارك بيك عمو

باركولي الكل ، رحت يم اثير ويمامة كعدت بصفهم ابتسمو الي وضلينا نسولف شوية اليوم الثاني ماكو شيء محد حجة بالموضوع بس اليوم الثالث عمي انطاهم الموافقة وبدينا نجهز بالترتيبات اشترينا النيشان والفستان وكلشي ماحسيت بتعب ولا حيره لان كلها وياي