الاقنعة السوداء

يوم الحادثة

____________________الاقنعة السوداء_____
#رغد_خليل
#الاقنعة_السوداء

متابعة الحساب @Raghadkhalil803

‏_inst: _its.raghad_
_‏Tik Tok : _its.raghad_

وتگلي احميك
وانتَ ملثم من الخُوف
وتسولف على الندى
وتحرگ بسَاتيني !
تكتل ناس ، چي ماگدروا يحبُوك
ودرس عن الحُسين تريد تنطيني !!
تدليني دَرب ..
ماتدري دَربه منين
دندل الدرُب بعدين دلينِي .

< فضة >

ما اريد اي شيء يخصه يكون قريب مني ، وقربها لـ نيران يزعجني ، رغم تبقى بالغرفة وقليل تتواجد ويانه بس ماريدها ماريد اشوفها ، معاملتي وياها واضحة ونفوري من عدها كلش واضح اخذت ادويتي ، خليت راسي على المخدة اريد انام

الاصوات صارت براسي، عدلت كعدتي لزمت راسي احس بالم بس مو نفس كل مره ، الالم خفيف هاي المرة .
غمضت عيوني فتحتهم حسيت كانما انتقلت لعالم ثاني كانما الزمن رجع بيه !

" يوم الحادثة "

وكعت على الكاع بعد مدى ماعرف شكد بس فقدت يمكن فترة قصيرة، غمضت عيوني بالم ورجعت فتحت اشوف خيال اسود ، واحد ، ثنين ، ثلاثة .
ثلاث اشخاص يفترون بالبيت ، ماما بابا ذهب كلهم بالكاع فاقدين ، كحيت حاولت استند روحي واكوم ، مداكدر اتنفس .. مستحيل معقول الديصير حقيقة ؟

اسمع اصوات بس ما اكدر استوعب شديحجون ، الاوكسجين مديوصل الي ، دخاان خنكني ، كمت على حيلي الرؤية عندي مو واضحة احس بروحي راح افقد
مشيت باتجاه ذهب ندغتها وكعت بصفها بالكاع زحفت الها اكثر ملامحة ماكو ! صرخت من منظرها اريد الزمها ما عندي اي جرأة ، لحظات قليلة ، سمعت صوت صوت سلاح قريب بس صوت مو قوي ، كانما كاتم مخلي اله