الاقنعة السوداء

16

____________________الاقنعة السوداء_____

#رغد_خليل
#الاقنعة_السوداء

متابعة الحساب @Raghadkhalil803

‏_inst: _its.raghad_
_‏Tik Tok : _its.raghad_

لو يفيد الحَچي
چان كتَبت ألف سطَر
ماجابك حَنين
يجيبَك شعر ؟

                                 <  اساور >

خلا راسه بركبتي فك ايديه ، ثكله كله صار على جسمي حسيت روحي اختنكت ، وخر على جهة شوية صار نصه عليه ونص على الجرباية حجة
_ اكرهچ اساور .

غمضت عيوني درت وجهي لجهة الثاني ماريده يشوف دموعي ، حجيت
_ واني اكرهك اديم اكرهك .

طبع بوسة وكال
_ هو هذا المطلب

بلعت ريكي حجيت بضعف
_ رجاءاً لا تتقرب مني ماريد تتقرب

كام عني وهو يكول

_ لتخافين لو نفسي بيج جان سويت الي اريده ، بس روحي تشمئز منج .

غمضت عيوني هاربة لنوم كلامه يدك براسي دك ، كسر روحي وگلبي ، خسرني اديم هاهيه .

" نرجع للحاضر "

رفع عني الغطاء شهكت بخوف ، صدره عاري  بالبيجامه فقط ، الوشم مزين صدره ، سحبني من ايدي وشالني على كتفه ودموعي صارت تنزل واني اتذكر كلشي صار ..

جسمي يوجعني بشكل مو طبيعي ، ماعرف الدنيا ليل لو صبح الغرفة حتى شباك مابيها فدمرة خنكة حجة
_ جبتلج ملابس اسبحي واطلعي ناكل علمود تاخذين دوا خاف رجلج يعني علمود التهابات وهاي الامور بعد دكتورة وتعرفين .

ساعدني ادخل للحمام عافني وطلع ، فتحت المي الحار وعفته ينزل عليه ، باوعت حواليه حمام مرتب واصلا الشقة مرتبة بس الغرفة الي جنت بيها اتوقع معزولة عن بقية لغرف او يمكن مستودع وسووها غرفة .

غمضت عيوني رجعت شعري لورا غسلت وجهي المكياج الي مسويته كله سال بصعوبة فكيت الماشات من شعري

سحبت اخذت لمنشفة لفيتها على روحي
كمت على حيلي لزمت الحايط احاول امشي ، فتحت لباب واني مجلبة ما احس الا يصير كدامي خلا ايده جواي وبتك ايد رفعني يمشي ذبيت ثكلي عليه سانده راسي على كتفه بضعف ، بس هذا الضعف مؤقت ..

حجة
_ عجبج الوضع لازم ؟

_ مابيه حيل لو تسكت احسن

ضحك مستهزء ، اخذني لغير غرفة كعدني على جرباية انطاني ملابسي وطلع هزيت بيدي  بدلت وجبرت روحي ادوس على رجلي كمت امشي بس الالم موتني بس اريد افتهم شنو الي دخل بيها