الاقنعة السوداء

محطة النهاية .

______________________الاقنعة السوداء__

#رغد_خليل
#الاقنعة_السوداء

متابعة الحساب @Raghadkhalil803

‏_inst: _its.raghad_
_‏Tik Tok : _its.raghad

بس وياك .
أخضر وأنعشكّ وأنشم
و أذبلَ
ويَه غيرك ماصرت بسّتان
أصيرن طِين و أتلثم .

لاتنسوا التصويت بالنجمة 🩵🩵🩵

< ضي >

ايام عشتها واني وحيدة بين اربع حيطان ، والعذاب الي عشته مستحيل ينوصف ، والمعاناة ورحلة العلاج الطويلة حمدت ربي كدرت اتعداهم

كلام السُلطان وهو ينصحني ويكول :: هاي السنة الحياة ولازم تتزوجين ، اني ما اجبرج لا بلعكس عندج كامل الحق انتِ ترفضين او توافقين ، كل ما في الموضوع ماريد اوكف بوجه قسمتج ..

افكر وافكر ، ياترى من نطيته الموافقة تصرفي صحيح ؟
جوان حباب واني احبه عادي ، بس ماتوقعت راح يخطبني ..

دزولهم الموافقة وبدينا نجهز
طلعنا لسوك اني ولبنات وماما ويانه
وكذلك امه لجوان ، اتجولت فضة بالمحل وحجت
_ ضي تعالي

اتقدم الها اشوفها لازمة بيدها فستان ابيض الردن منفوش من جوا ومن فوك شفاف عليه خرزات بسيطة وبالمنتصف اكو فيونكة بيضة متوسطة الحجم شكلها مرتب حجت :: عجبج ؟

اخذته من ايده وكلت :: واو ، دومج مذوقة فوفة

ما انكر جنت اكرها لفضة ، بس من فكرت ومن حجيت ويا معالجي النفسي افتهمت انو نحن كلنا ضحايا ..

ابتسمت الي ، ابتسامة لطيفة ، اخذته قسته وكفت اشوفهم ، حجت ام يمامة :: يخبل

افتريت حوالين نفسي كالت يمامة بحماس :: والله يخبل

فضة :: يلا ناخذه

حجيت بحماس
ضي :: اي اي ناخذه

ولبنات هم اخذوا الهم فساتين ، فوفة كالعادة اخذت اسود لان تريد هي والسُلطان يلبسون نفس الشيء حجت يمامة :: للمعلومة يعني الولد ما راح يحضرون العقد

فضة :: ياااا !

يمامة :: والله ههههههه فيلق يطحن بروحه طحن

فضة :: اوي هاي سنة الحياة

ام السُلطان :: يركعون روسهم بالحيطان ليجون طبهم مرض

حجوا سوية
فضة و يمامة :: لاا عمة اسم الله

هزت امي بيدها وكالت :: زمو ربعج لتمو

ضحكنا وطلعنا من لمحل ، اتصل جوان على امه بعد ما كمل المحكمة مالته ، بلغته نحن وين واجانا علمود نختار النيشان ..

اول ما وصل ، لبدت يم فضة خجلانة مادري شجاني وهو عيونه ما طاحت مني ، دخلنا لمحل اختارينا النيشان حجة جوان يمي بهمس :: عاجبج شيء ؟