ياقطرة من غيث احيتني من بعد مماتي

البارت (49)

(تابع /نقطة الصفر)

-الساحة-
-العريش-
طلعت خديجه من فلتها وهي شايله صينية البطاطس المعتاده
انفتحت بوابة القصر ودخل موكب مهيب فيه مايقارب العشر سيارات
وقفت خديجه تدقق بملامح الرجل اللي بسياره الثلاثه
انفتح الباب ونزل منه رجل في اواخر الستين بداية السبعين
طاحت الصينية من يد خديجه وصرخت باعلى صوتها:بابا مسعود!!
فزو الحريم من صرختها وطلعو الرجال
تسمر كل منهم مكانه
قرب ابو حامد وحب راسه: نور البيت يبه
ابتسم حامد وهو يحب يده : ارحب تو مانور البيت
مد يده ورا،،،، مدت العاملة عكازه الاسود
بدو يناظرون بعض بصدمه
عدا ابو عمر اللي كان يضحك بخفه هو وعبدالعزيز
ناظرت نعيمه ام جابر وهي تبتسم
غمضت ام جابر عيونها ونطقت بداخلها( لسى يامسعود ماجا الوقت اللي تظهر فيه لسى ،،،لاتهدم اللي لنا سنين نخطط عليه)
نطق لسان الجد مسعود وهو ينقل نظره بينهم: السلام عليكم
ردو عليه السلام وهم مب فاهمين شي
كانت خديجه واقفه وودها تركض له وتحضنه بكل شوق وعتاب
كان الصمت سيد الموقف
فجاة وبدون مقدمات شقت عائشه الصفوف وهي تقرب له
قربت ولمست لحيته وهي تدمع ،،،اول مالمست لحيته شهقت وهي تحضنه،،،،شد عليها بحضنه ،،،رفعت عائشه راسها ونطقت بعتاب،،،وينك يبه وينك
نطقت بصوته المهاب وهو يبتسم : موجود يبوتس موجود
تنحنح ابو عمر: حياك يبه المجلس

-المجلس الكبير-

توسط الجد مسعود المجلس وهو متسند على عكازه
وقفو الحريم عند الشبابيك بفضول يبون يسمعون
استبرق بصدمه: بنات انا احلم ؟؟ جدي عايش كيف ومتى وشلون؟
المها ببتسامه: تبون تعرفون؟؟؟
لفو عليها كلهم
-داخل المجلس-
جلس سلطان جنب جده وهو ماسك يده وشاد عليها: يبه وينك كل ذا السنين ؟؟ يبه فقدناك وفقدنا حسك حرمتني منك وانت موجود
نطق لسان الجد مسعود بصوته الجهوري وهو شاد على يد سلطان:الاوله انا مت يوم عرفت ولدي وولد اختي تجار بالمخزي مت وانطعت الف طعنه يوم دريت انه اللي تسبب بموت بنت اخوي وحرم ولدي وحفيدي اخوي وولد اختي لجل ورث طفسه مايسوى ذرة بالهوى يومها جلست انا و بندر و علي والوليد .....

"سابع ايام عزا وجدان وورد"

-مكتب الفريق اول مسعود ال هذال -

الجد مسعود بحده: انا نويت يابندر
ابو عمر وهو يهدي ابوه: يبه عين خير وش اللي تبي تطلع برا نجد؟؟؟ وحنا؟
ابو حامد: يبه وهم صادقين قسم الورث بنفسك وعش بينا انت بركتنا ونورنا وش اللي تتركنا اذكر الله الصندوق جاك ورث من شيخ لشيخ قسمه وريح راسك
الجد مسعود: ومن قالكم اني في نجد؟؟؟ انا بطلع ال.......( دون ذكر اسم الدوله)
دخل حامد اللي كان برتبة ملازم اول: يبه ال.............. عطانا امر من ال........ بتوجه للقاعدة الجوية ومنها تسافر الى ........(دون ذكر معين) وبعدها تستلم الجواز المدني السعودي وتكمل المهمه هناك
وقفو الرجال بصدمه
ابو بندر:يبه انت ناوي تسافر لجل المهمة؟؟؟ سلمها حامد ولا اللواء.............. لكن انت الفريق اول توصل لمهمة ذي يبه الوضع خطر
وقف الجد مسعود ببدلته العسكرية: انا الفريق اول مسعود بن البتال بن عز ال هذال نذرت نفسي لخدمة البلد والدين واديت القسم وحلفت ان انزف كل طاقتي لخدمة ديني ومليكي ووطني
دخل عبدالعزيز و وراه رجال يشبه الجد مسعود شبه كبير
اتسعت عيونهم بذهول من شدة الشبه بينهم وكانهم توأم
وقف العكسري بعد ما ادى التحية للجد مسعود: انا النقيب محمد بن ......... ال .........
ابتسم الجد مسعود: انت عارف وش اللي عليك؟
النقيب محمد: لي الشرف اموت دون الارض ودونك ياطويل العمر