ياقطرة من غيث احيتني من بعد مماتي

البارت (30)

-اخر ايام العزاء-

-فلة الشهيد والبتول-

كانت جالسه بغرفتها وهي حاضنه ثوبه وهي تدمع
كانو البنات واقفين برا ويتشاورون من اللي تدخل

-خارج الغرفه-

اسيا وهي حاطه اذنها على الباب :مافي صوت!!
فاطمه وهي تمسح دموعها: خلاص انا بدخل وانتي روحي تطمني على خالتي وطفه وخالتي صيته والبنات
جويريه وهي تهز راسها بنفسي: لا لا،،،بنات الوضع غريب مايصير نخليها لحالها
هند بحده: خلاص فاطمه بتدخل لانسوي ضجة امشو للبيت الكبير
طلعو البنات ودخلت فاطمه
جلست فاطمه على طرف السرير: اذكري الله ياعيون فاطمه
رفعت مريم راسها وهي تدمع ولا نطقت بحرف
قربت فاطمه ومسكت يدها: بتول ياماما لاتزعلين تر ماكملت كلامها وقاطعتها مريم
مريم وهي تدمع: انا مب زعلانه على موته زوجي شهيد يافاطمه شهيد انا زعلانه على فراقه،،، اطلعي برا اطلعي
طلعت فاطمه وهي تدمع

-صالة القصر الكبير-

كانت ام سعود اشبه بجثه هامده جالسه ولا تتكلم بحرف
المها اللي من اول يوم عزا وهي بالمستشفى وتوها طلعت
فلك ومهرونيسا الازعاج اللي بالبيت ساكتين ولا ينطقون بحرف
استبرق اللي انسكرت ولا صار ينسمع منها الا الحوقله
خديجه وماريا خسرو اخ لهم مب ولد عم
ام فاطمه اللي كانت تحاول تقوي ام سعود والبتول وهي متآلمه على ولدها الثاني اللي خسرته
ام حامد اللي كانت تتذكر سوالفه على راسها وازعاجه هو زين ولعبهم وتخريبهم
دخلت فاطمه وجلست وهي تدمع
لفت ام سعود: وين البتول
مسحت فاطمه دمعتها: بفلتها ماتبي تسولف مع احد
وقفت ام سعود وطلعت متوجه لفلتها
طلعت وراها ام حامد وام فاطمه وام عمر
ناظرو البنات بعض ولحقوهم
دقت الباب ام سعود باب الفلة
مريم اللي كانت جالسه بالصاله وتناظر صور سلمان وتدمع عيونها
دقت ام سعود
ردت مريم من ورا الباب وهي تدمع: مابي احد مابي
دقت للمره الثالثه
مريم وهي تدمع: مين؟؟؟
ام سعود بغصه: قسيمتك بالالم
فتحت مريم الباب وحضنتها وهي تبكي
بادلتها ام سعود الحضن دخلو للصاله
بدت ام سعود تقرا وتمسح على راسها
قربت ام فاطمه المويه لها
هزت راسها بنفي
ام سعود بحده: مايجوز يابنتي لك يومين ماذقتي الاكل الحزن مايرجعه ،،،،مايرجعه
ام عمر وهي تمسح على كفتها: اذكري الله يامريم اذكري الله ماتجوز عليه الا الرحمه
مريم وهي تمسح دموعها: من قالكم اني زعلانه من منكم لها فخر بفخري ابوي شهيد واخوي شهيد وزوجي شهيد انا اللي يوجعني فرقاه بس فرقاه،،بكت بحرقه ،،،
حضنتها امها وبدت تسمي وتقرا عليها
دخلت الغاليه وهي تحك عيونها من اثر النوم: ماما
فزت ايلاف: ها ياماما
الغاليه بزعل : ماما عمو الزومبي ليش ماجا طول هو قالي بجي قريب
حضنتها ايلاف وهي تدمع: بجي ياماما بجي
الغاليه وهي تهز راسها بنفي وتدمع: لا ،،،ماما انتي تكذبين علي عمو الزومبي ماراح يجي ،،، ماما انا احبه خلاص عادي بخليه يعض خدودي بس لايروح حتى البيت مو حلو ابي عمو سلمان
انفجرت عيون البنات بالدموع
مسكت ام سعود يد مريم: هند خذي البتول خليها تنام
مسكت هند يد مريم وخذتها للغرفه
طلعو الحريم من فلتها