( وما كانت الا ذكرى جميله اشتعلت بقلبي واخذ نورها)
-المجلس-
دخل برجس وهو عاصب شماغه مسك الدله وبدا يقهوي ابوه وعمامه
صب لبوه: سم
اخذ ابو عمر الفنجال: سم الله عدوك
تكلم بندر: عمي بندر
لف ابو سعود وهو ياخذ الفنجال من برجس: بعرسك
ابتسم برجس:بحضورك
لف ابو سعود: سم يالسمي
صب برجس لابو حامد
قرب من عبدالعزيز ومد له الفنجال
وصل لبندر ومد له الفنجال
تنحنح بندر: ياعم انا طالب القرب باكبر بناتك
كب برجس دله القهوه عليه بالعاني
فز بندر من الحراره
ضحك سلطان وهو يغطي وجهه
اما البتال بلع ضحكته
"فلاش باك"
جلس برجس بالميدان قبل نومه وهو يمسح على همام
قرب البتال ورفع عليه مسدس مويه
البتال وهو رافع: لاتقاوم يابرجس انت محاصر
ضحك برجس ورفع يده : سم ياطويل العمر
جاه سلطان من ورا ظهره وهو رافع نفس مسدس المويه:انت الان طحت ومحد سمى عليك
ضحك برجس باعلى صوته: الان يالنتف انت وياه محاصريني؟ ،،،تبون اتفلت عليكم؟؟؟
نزل سلطان مسدسه بزعل: ياخي خليني اعيش الجو
ابتسم برجس بخفه: طيب كمل
البتال يمثل الحده: من اللي تقصد بها هاك النهار؟
برجس بجحده: ما اقول القصيد الا بالفخر ولا موقف
سلطان وهو يبخ مويه على رقبة برجس: اعترف
لف برجس بحده: ورع!!
خاف سلطان وعطاه الوجه البريئ: برجوسي
ابتسم برجس وحب خده: خلاص خلاص مانيب جايك
البتال وهو يبخ عليه: اعترف اعترف
برجس بحده: عطيتكم وجه انت وياه من اللي احبها انتم اخبر اني ما اداني الحب
غمز سلطان للبتال
البتال وهو يمثل عدم الاهتمام ويحرك يده على المسدس ويناظره : طيب مادريت وش صار؟؟!
برجس بستغراب: شصار؟
سلطان بتمثل الحماس: تخيل بندر ولد عمي فارس بيخطب استبرق بنت عمي بندر
غمض برجس عيونه من الغضب وتنهد بشويش: من قالك؟؟؟
البتال وهو يحك راسه: مدري سلطان قال
شهق سلطان: كذاب انت قلت
صرخ برجس بحده: من قالكم؟؟؟
سلطان بتأتأه: ان ان
نطق برجس بحده: اخلص
صرخ سلطان لجل يرتاح: انا سمعتهم
طلع برجس لوضحى وجلس وهو يحس بنار تفور
سلطان وهو يحك راسه ويناظر برجس وهو يمشي بغضب سلطان وهو يناظره ويضحك: ولله بندر بيصير الذ كباب مشوي
ضحك البتال بخفه وهو يشوف مشية برجس: انا قلت لك برجس يبي بنت روضه ماصدقت
لف سلطان بضحكه: عيد عيد ماسمعت
ضحكت البتال وهو يصفقه
"انتهى الفلاش باك"
فزو العيال على صرخت بندر من الحراره
ابو سعود: جب ماء يا سلام(عمال المزرعه)،،،حصل خير حصل خير
وقف بندر وهو يحس ويصرخ من الالم
تجمعو العيال على صراخه الغير معقول من شدة حراره القهوه
جلس برجس ورفع فنجال قهوته: شقومك تصرخ ؟،،،قهوه وانكبت عليك ضنتي ماورك عرس يوم ذي سلومك
ضحك عبدالله وحاول يخفي ضحكته
قرب ابو حامد: قم قم المستشفى
قرب برجس: وشوله مستشفى جويريه بنت عمي الحارث الله يرحمه موجوده
خالد وهو يحاول يبلع ضحكته ويهوي على رجل بندر بالورقه: بنت عمي الحارث بيطريه يالحبيبي
برجس بحده: كلهم واحد محسسني في فرق؟؟
انفجرو العيال ضحك
جتهم نظره من ابو سعود خلتهم يبلعون العافيه
قرب بحر وسحب برجس
أنت تقرأ
ياقطرة من غيث احيتني من بعد مماتي
Random(عزيزي القارئ / عزيزتي القارئة ..... انا ليسى كاتب روائي انا مجرد كاتب يشكل صراعه الداخلي على هيئة حروف ان كنت تبحث عن رواية اسطورية ذات احداث عميقة للاسف لقد وصلت للوجهه الخاطئة روايتي ماهي الا مشاعر متاضربه ان كنت تظن بانها ذات طابع غير معتاد من ا...
