ما بعد النهاية-احد ليالي الشتاء الباردة-
-قصر العز--فلة استبرق وبرجس-
جلس برجس قدام الكام : مستغربين اني اكلمكم بعد النهاية صح؟ لكن صارت تطورات في ال هذال ماقدرت اني اصبر واخبيها عنكم
دخل عبدالله يركض وهو يصارخ: بابااااااا ،،،، دلوي(جلوي)
دخل جلوي وهو شايل بيده عصا ويصارخ: عبودددد
ضحك برجس وهو يفرق بينهم: شصاير شصاير
ضحك عبدالله وهو يتخبى ورا برجس: بابا دلوي(جلوي)دربني(ضربني)
ضحك برجس: ليه ياجلوي ليه؟ اخوك ذا
ناظر جلوي عبدالله بنظرات حاده: يا وغدد لاتدبب( تكذب)
دخلت استبرق وعلى كتفها فرو سهم : بس بس يامزعجين مدري هي منكم ولا من البندري ولا من ابوكم ،،،،لا ابوكم لا ابو اللي رباكم
ضحك برجس بصدمه: ليه تحديد الكل انا شدخلني ياقمرتي؟؟؟
ضحكت استبرق بنعومه: ياجعل من لامني بحبك
ضحك عبدالله: يسب (يشرب) ماء مقليي(مغلي)
ضحكوا برجس واستبرق على نطقه
مسك برجس يد استبرق : تعالي ابيتس شوي بس شوي
استبرق بصدمه: مب قدامهم
ضحك برجس: انتي بالتس راح بعيد؟؟؟ اقول تعالي شويات
استبرق: والعيال؟
ابتسم برجس: ماعليك الخدم عندهم مسوي لتس مفاجاة-جناح برجس واستبرق-
دخلت استبرق وهي تشوف طفلتها الجديدة ثمرة حبها ببرجس الشيخة البندري بنت برجس نايمه على السرير
مسك برجس يدها وسحبها لمكتبه-مكتب برجس-
دخلت استبرق ولمعت عيونها اول ماشافت الحلق اللي تمنت تلبسه قبل سنين طويله
ابتسم برجس : ذا الحلق لي سبع سنين وانا اشتغل عليه اليوم اكتمل ياقمرتي
حضنته استبرق بكل قوتها: احبك احبك احبك
ضحك برجس وهو يلمس حريرها الاسود: هيه ياعمار ياسهم جلدك صار فرو للشيخة بروق بعز الشتا
ضحكت استبرق: لا والله؟؟ مستخسر فيني نمر؟
شالها برجس وناظر عيونها: احرق الكون لجلتس ،،،تنحنح،،،الا ماودتس نجيب البندري ثانيه
شهقت استبرق وهي تدق كتفه بقوه: اقول نزلني نزلني
ضحك برجس : ياجعل من لامني بحب بنت الشمال يشرب الماء مغلي ،،، نزلها برجس
توجهت استبرق للمرآيا وهي تلبسه: ياخذ العقل يابرجس
حضنها برجس من وراها: مازهى الا على معشوقتي وقمرتي-فلة سعود والجوري-
-المرسم-
جلست الجوري بحضن سعود : كيف عمليتك اليوم يروحي؟
ابتسم سعود: شفتي من جلستي بحضني؟
هزت الجوري راسها: اي؟
ضحك سعود: راح التعب كله
ضحكت الجوري باعلى صوتها: سعوديي
ضحك سعود وهو يبوس ثغرها
دفته الجوري : وخر وخررر
دخل تميم وهو يركض : ماماا الحقيني خربت دفتر خالد
دخل خالد وهو معصب: مامااا تميم خرب دفتري جالس اكتب قصه
ضحك سعود: سميتك خالد وجيت على عمك
هز خالد راسه ببراءة: اي
ضحك سعود: يعني المفروض اتخرفن واهاوش اخوك؟
هز خالد راسه: اي
ضحك سعود و هو ياخذ الالوان و يغرق تميم
ركض تميم و هو ياخذ سطل الالوان و يغرق امه
تعالت ضحكاتهم وهم يلعبون بالالوان ويغرقون بعض
أنت تقرأ
ياقطرة من غيث احيتني من بعد مماتي
Random(عزيزي القارئ / عزيزتي القارئة ..... انا ليسى كاتب روائي انا مجرد كاتب يشكل صراعه الداخلي على هيئة حروف ان كنت تبحث عن رواية اسطورية ذات احداث عميقة للاسف لقد وصلت للوجهه الخاطئة روايتي ماهي الا مشاعر متاضربه ان كنت تظن بانها ذات طابع غير معتاد من ا...