ياقطرة من غيث احيتني من بعد مماتي

البارت (48)

(نقطة الصفر)
-الساعه 9:30 صباحاً-
-المستشفى-

-جناح 330-
فتحت عيونها وهي تتحسس بطنها: يمه وين بطني؟؟
ضحكت ام حامد: وطفه شجاك انهبلتي الان تشوفينه
رفعت ام سعود راسها: ياويل حالتس ياوطفه بالخمسين وتنجبين ياكبرها عند خلق ربي
ضحكت ام جابر: عيني خير
لفت ام سعود: شجبت يمه؟؟
دخل عبدالعزيز وهو شبه معصب: طفل المعجزه جا؟
الفيصل بقهر: يمه وش شعورك وانتي جيبتي ورع جديد ها؟؟؟
دخل خالد وهو يجر عبدالله وفهد
عبدالله بحده: اقول البخ ولا حرف ولله ما اشيله عمري 25 وشنبي مالي وجهي واخوي توه يحبي صاحي انت
فهد بداخله(يالليل وش ذا الطامه): اقول يمه ميس كان عندها بعد نظر يوم كانت ناويه تاكلك اناناس
ام سعود بزعل: اطلع اطلع انت وياه مابي احد فيكم اطلعوو
سعود بضيق: من الان اقولكم منيب شايله
دخلت ام فاطمه ووراها الممرضه تدز السرير
دخل ابو سعود بكل حماس من صالة الجناح
ام عمر وهي تقرب من السرير: ياويسي بدر مصور
قرب ابو سعود يمسك يده ام سعود ويبوس راسها
ضحكت ام جابر: ولد مثل القمر
دمعت ام سعود بفرحه: بشيله هاتوه
قرب ابو سعود من السرير وهو يلعبه
قرب عبدالعزيز من السرير: يوه يده صغيره
قرب عبدالله وهو يدمع بخفه: الله صار عندي واحد جديد
فهد وهو يلمس خده بلطف: بسم الله عليه خده ناعم
ضحك خالد وهو يلمس شفايفه: ودلبس ،،،اغههه
تغمط الوغد بسريره
ضحكو العيال بحماس
قرب سعود وهو يعض خده: يوه زين وسلطان لا يشوفونه
ام سعود بزعل: اشوف من شوين ماتبونه ؟؟؟
ضحك عبدالعزيز: وش بتسمونه؟
ضحك ابو سعود: برجس
شهقو العيال بصدمه
سعود بصدمه: ها!؟؟ لحظه لا يبه مانبي نفسيات كنسل
ضربه عبدالله على راسه: اخوي مب نفسيه وبعدين يحمد ربه اخوك يوم تسمى على اخوي
ابو سعود بحده: بس انت وياه انا اقول مايسميه الا برجس
ضحك سعود وهو يقلب بسبحته: قصدك اللي كان سبب جيته النكبه برجس
ضحك كل اللي بالجناح
فتح ابو سعود باب الغرفه
ابو سعود وهو يناظر برجس: تعال وانا ابوك تعال
دخل برجس وقرب من سرير ام سعود وباس راسها:مبروك ماجاك ويتربى بعزك
قرب ابو سعود وشال ولده وقربه لبرجس: سمه وكبر له
ابتسم برجس وشاله وكبر له واذن بأذنه
عبدالله بحماس: هاا وش بتسمونه ترا عادي انا اسميه
دخل العيال (زين و حامد و سلطان و عمر و بحر و البتال )بكل حماس
البتال: انا انا بسميه اوه صح يمه الحمدلله على السلامه
زين بحماس: وش اسمه؟؟
برجس وهو يناظره: هجر
قربت ام جابر: ضنيتك تسميه ج
قرب برجس قبل تكمل كلامها وحط يده على فمها: الله يسعدك ياطويلة العمر امسكيه امسكيه
ضحكو كلهم

-قصر المرتفع-

-فلة ال بندر-

-جناح ابا الملوك وتحديداً غرفة المولود -

المها وهي ترتب الرضاعات: يارب ارزقني زيه
ضحكت جويريه وهي تعدل المفرش: وي اختي ناويه تجيب قبيلة
دخلت عائشه وبيدها المبخر: ولله اختي اللي بتجيب قبيله
رمتها ايلاف بالتفاح: قل اعوذ برب الفلق!!!!!
فتحت هند الباب وهي تكح: امشو الصاله بس كلمت ماما تقول جايبن بالطريق
شهقت فلك وفتحت الدولاب: ليهه؟؟؟
فزو البنات بخوف
نفخت جويريه على عنقها: تف تف تف بسم الله علي وعمى شمقعدج داخل الكبت؟؟؟؟؟
ضحكت المها : من الخرعه طلعت اللهجة
تخصرت جويريه
عائشه بتسآل: يالطيبه ذا كويتي مدري بحريني
ايلاف بصدمه من غباء اختها: انا ادري انك غبيه بس مب لهدرجة في فرق ولله في فرق
فلك وهي تطلع من الدولاب: بغض النظر انكن سحبتن على سوالي ليش امي بتعود الليله؟
هند وهي تطلع من الغرفه: ماما بتهتم فيها امشو بسرعه نتسقبل الشيخ هجر
طلعو البنات للصالة
كان كل القصر جاهز والاكيد انه على افضل مايكون دامه تحت اشراف ماما نعيمه
انفتح الباب ودخلت ام سعود بيدها هجر ويمينها امها ووراها خواتها
فزو البنات بحماس
غطرفت نعيمه بفرح
ميس وهي تمسك يده: الله يمه باكلها قابله للعض ولله
ضحكت جويريه: ولله راحت عليك ياتميم لقيت شي الذ منك
الريم بغيره: وخري اخوي وولد اختي الموضوع دبل بشيله
انحط الشيخ هجر على سريره والكل حوله ينتظرونه
اندق الباب
وقف نعيمه من الكنب فتحت باب الفلة
ابتسم برجس وقرب حب راسها: ماما نعيمه بعد اذنك جيبي الشيخ هجر
ضحكت نعيمه : ابشر
دخلت للصالة وشالته اول ماجت بتطلع سالتها ام جابر
ام جابر: وين؟
نعيمه: اللي مسميه يبيه
ميس وهي تناظر استبرق : هيهه يابنت العذوب عذبتي اخونا ياشيخه وافقي وبخلي ولدي يدفع المهر فطرتي قلب اخوي تراك يبي ولد
ضحكو الحريم على استبرق اللي من الصدمه مانطقت بحرف
اخذ برجس من يد نعيمه: بسم الله الرحمن الرحيم ، يلا يمه تبين شي؟
ابتسمت نعيمه: لا ياحبيبي
مشى برجس لفلتهم ودخل لجناحه
فتح الباب وشاف سهم جالس على السرير
برجس وهو يقرب هجر من سهم: شوف ولدي الجديد
قرب سهم  يشم ريحة هجر
ضحك برجس: ترا مب وجبة ،، حط هجر على السرير ومسك سهم ودخله لغرفه
رجع انسدح على السرير لف على جنبه وهو يناظر هجر
حط يده تحت راسه ونطق: تصدق ياوغد اني حبيتك؟؟
تنهد هجر وتمغط
ضحك يرجس: بعد حاسب نفسك من البشر انت وحجمك خربت علينا سحورنا وصيامنا ماتسحرنا عشان وجهك
ضحك هجر من لمسات برجس لوجهه
غمضت عيون برجس وهو مب حاس بنفسه