ياقطرة من غيث احيتني من بعد مماتي

البارت (37)

-البندرية-

-العصر-
-المجلس-

جلس عبدالله وهو متالم: اهخ
سنده برجس: بسم الله عليك ها احسن؟
عبدالله وهو يمسك يده: اي اي احسن
ام سعود بحده: وين احسن معه حلاله من قطع سعف النخل على ظهرك
ام جابر: وانت وش مرقيك فوق النخله قرد انت؟
ابو سعود بغضب: وتاليتها معك هذا وانت تبي العرس
ابو حامد: العقل زينه وش مطلعك فوق النخله ها؟
ضحك برجس بخفه
ابو عمر : علامتك متنومس؟
برجس: الاخ راقي فوق النخله يبي يجيب تمر لفلانه الوكاد يابو حامد بنيتك السبب ولدنا ماله شان
ضحكت ام عمر: وانا اقول وليدي وش مرقيه اثاري لعيون المعشوقه
ضحكو كلهم
ابو حامد: ياخاله نبي الغدا خبال النسيب حرمنا الغدا
مسك برجس جبس يد عبدالله: توجس شي يبوي؟
هز عبدالله راسه بنفي: لا،،، بس كيف بخلص اوراق الدوام وكيف باكل ؟؟؟عاد ذي اليمين
مسك برجس يد عبدالله: انا يمينك
ضحك عبدالله بخفه
مسك برجس خد عبدالله: ياجعل من لامني بحبك يشرب الماء مغلي
دخل زين وهو يصفق: الا على الرومنسيه اللي بريال الله
سحبه فهد جلسه جنبه: انت ولا حرف
دخل الفيصل: سلام
ردو عليه السلام
دخلو الرجال
انمدت سفره الغدا
جلسو كلهم
كان قبال عبدالله برجس ويمين عبدالله خالد
حاول عبدالله ياكل باليسار  لكن ماقدر
قام برجس من مكانه ولف من ورا السفره
برجس وهو واقف على راس خالد: لاهنت خويلد زح غاد
ضحك سلطان: تأثير امي طرفه وبنات العذوب جاك؟
ضحكو كلهم
وخر خالد وجلس مكانه برجس
اخذ برجس لقمه بيده وقربها لعبدالله
اكل عبدالله وهو ساكت
البتال بقرف: وع وراك تاكل من يده توه ماكل فيها
ضحك فهد: الله يرحم ايام اول انت وسلطان بنفس الملعقه
لف عبدالله على البتال: شتبي انت انا راضي اكل من يده وعناد فيك لو عطاني بالملقعه مانيب ماكلها زين ؟
لف زين : ها شدخل اسمي
ضحكو الرجال
سلطان بعبط: ياخي خلصت الاسامي يوم سموك زين انت المفروض امرؤ السوء ابليس الاصغر نية قشره ذي اللي تلوق لك
دخل حامد ببدله: مسهم بالخير
ابو عمر: لاسلام على الطعام تغد وانا ابوك تغد

-بعد صلاة الغدا-

انطلع موكب ال هذال الى قصر المرتفع
وموكب ال خلف الى قصر الخالديه

-العشاء-
-قصر المرتفع-

ام جابر وهي تمرر دهن العود على شيلتها : يالله يابنات ابطينا
دخلت استبرق وهي لابسه فستانها النيلي
شد هذا الفستان على محيط الحزام وتخصر عليه
استبرق ببتسامه: يمه جبت لتس البخور
ام جابر: تبارك الرحمن الله هنيه راعي النصيب
بدت استبرق تبخر ام جابر
دخلت ام سعود وهي تضحك: الله يا استبرق جت امي وخذتك لها
ضحكت استبرق : شوي
ضحكو كلهم
دخلت المها بفستانها الاسود وهي تكلم بالجوال: خلاص يالفيصل الان بنروح ونشوف لاتستعجل

-قصر اللولو-

كان القصر يتحرك والخدم منتشرين يرتبون ويجهزون
وصل اهل المرتفع وتم استقبالهم في احسن صوره