ياقطرة من غيث احيتني من بعد مماتي

البارت (24)

-جناح استبرق-

كانت استبرق متسنده بظهرها على السرير ونيوف منسدح جنبها وبسابع نومه وهي تقرا عليه وتمسح على راسه
دخلو البنات
همست استبرق: اششش
جلست فلك على طرف السرير وتكلمت بهمس: كيفه الان
تنسدت مهرونيسا على كتفها ونطقت بهمس: ثوره انتي
(الان كل كلامهم شبه همس لجل نايف النايم)
جلست فاطمه وهي تاكل شبس: يالله حزنتني المها
انسدحت اسيا على الكنب وانسدحت بحضنها ايلاف
اسيا وهي تلعب بشعر ايلاف: بنات لازم نشوف حل
نطقت جويريه اللي جلست على التسريحه وهي تعدل روجها : نبي حل بس وش الحل؟
تكلمت خديجه اللي انسدحت جنب نايف: انا اقول نخلي امي وطفه تكلم امي موضي(ام حامد) ويحلون الموضوع
دخلت ماريا: ممكن ادخل؟؟
وقفت خديجه: عن اذنكم بشوف خالد
نزلت ماريا راسها بقهر
جت جويريه وحضنتها: لاتزعلين يروحي
بادلتها ماريا الحضن وجلسو كلهم
جلست ماريا عند راس نايف : بنات عندي فكره
فزو البنات
شرقت فاطمه بالشبس: وش وش؟؟؟
مهرنيسا بشبه حده: بس انتي وياها الورع نايف
ابتسمت ماريا بخبث: اسمعو .....

-جناح المها-

جلست على السرير وهي تدمع

-ضلع الذهب-
طلعو العيال كلهم يدورون حامد باستنثاء سلطان اللي نام وهو متضايق من مزحه مع نايف

قربو منه
حامد وهو يناظر القمر
(المها اللي سرت من نجد وأمست فالحويه
ضيقت صدر الرياض وسافر الطايف وجاها
وأنثنى غيم الحجاز لخد نجد النرجسيه
جاته من زعلها كنها تقصر خطاها يوم
زعلوها ورحلت وأخلت قصور الخالديه
وألحقتني شرهة الزعلان وأخطاني رضاها
سافرت والله ما أخبر اللي يزعلها عليه
واستباحت الله الخيره سهر عيني وماها
ليتها يوم استباحت دمعة العين الشقيه
ما استباحت دم قلبي من خلاها في خلاها)
قرب منه سعود وحضنه من وراه: طلعت شاعر
ابتسم حامد بخفه : انت علم بفراق المحب
سعود يمثل الشخصنه: حشم اختي ياورع
ضحك حامد : ابشر
قربو العيال
جلس برجس
ناظره حامد : اقول برجس ماودك تعطينا قصيده
عدل برجس جلسته نطق بدون ويحس وهو يناظر ضلع الذهب وذكر ذيك الليل نطق بصوته الحاد العذب المحبب للمسامع
(يا ام العيون الوساع اليا تبينتي
تمهلي في مسارك لا تعجليني
خلي مسارك شوي شوي لاهنتي
وردي علي السلام اليا قربتيني
وان كان يمي بعين اللطف عاينتي
عزلله اني من الناس الحظيظيني
من عقب يابنت في قلبي تمكنتي
يالله بسكناك في قلبي يهنييني
تدللي واعمليلي ما تحاسنتي
يرضيك واللي يجيني منك يرضيني
في منزل ما مسك مفتاحه الا انتي
ولا ادري تحسين ولا ما تحسيني
كانك تحسين فأنتي ما تعونتي
غير احتلالك لقلبي وش عطيتيني؟
الا انتي انك بغربالي تفننتي
ولا ادري معك مشواري يوديني
ياكثر زينك لو انك ما تزينتي
مدري مزينك رب البيت في عيني)
شهق سلمان: عبود اقرصني ذا برجس ولا مبدل
تنحنح برجس :يقول الشاعر
(إلليا بغينا هبشنا في يمانينا
الله خلقنا مغاوير هبابيشي
مضرب مخاليبنا فصدور اعادينا
ينتر من الدمي ويطير الريشي
والا ركبنا على العوص الملاوينا
على شرارية ومضمر قريشي
مجمل سواليفنا على مراكينا
بالضبط تشبه فعايلنا على الجيشي
نروح للموت واسبابه برجلينا
وندوس روس مكبرها الطرابيشي)
ضحكو العيال
عمر بضحكه:اي ذا القصيد الصح ذا قصيد برجس
البتال وهو يضحك: الولد طاح على وجهه من متى برجس يقول قصيد غزل؟؟؟
الفيصل وهو يدمع من الضحك: الولد مب طاح الا تزحلق على وجهه
خالد وهو يدق كتف برجس ويضحك: كحيلان ال هذال طاح على وجهه؟
عبدالعزيز وهو يضحك: عطنا قصيده ثانيه
تفل بحر المويه من الضحك: الان يعطيك اراك طروبا
ضحكو العيال
فهد وهو يناظر زين وينفجرون ضحك
حامد بضحكه: بس ياورع انت وياه
سلمان وهو يمسك دقنه: هين هين تحب ولا تعلم
وقف برجس بحده: ابو من يجلس معكم
دخل المزرعه وهو معصب ويحترق من داخله
دخل جناحه ورمى شماغه على الارض بقهر
وقف قدام المرآيا ووجهه تحول لهيئه ترعب اي ناظر
برجس وهو يكلم نفسه بالمرآيا: حمار انت حمار يوم انك تتغزل فيها قدام الناس ضرب الطاوله بقهر،، يارب انا شسويت ،، شسويتي بي يابنت شسويتي ،،، انسدح على السرير وهو يحس بنار تغلي بصدره ليه اتغزل وامدح جمالها قدام احد ليه