ياقطرة من غيث احيتني من بعد مماتي

بارت (50)

قراءة ممتعه💙💙.

-اول ايام عيد الفطر -

-خرج جميع قصر العز متوجهين للصلاة-

-بعد صلاة العيد-
-هطل المطر على نجد العذية-
-ساحات العز-

دخلو الحريم من البوابة بعد الصلاة
فصخت ميس عبايتها وهي تركض تحت المطر
ناظرت فاطمه المها: انا بروح اعقل اختك ،،،تجين؟
ضحكت المها وهي تركض لميس وتمسك يدها
ثواني وكان كل بنات ال هذال و ال عاطف تحت المطر
تعالت اصوات ضحكاتهم وصراخهم ولعبهم تحت المطر
مسكو يدين بعض بشكل دائري وهم يغنون:
(ليل وأُوضة منسية .. وسلّم داير مندار
عِلْيِتْ فينا العلّية .. ودارت بالسهرة الدار
والعلّية مشتاقة .. عَ حبّ وهمّ جديد
فيها طاقة والطاقة .. مفتوحة للتنهيد
وضويّة البيوت تنوس
فانوس يسهّر فانوس
وإنت بقلبي محروس .. بزهر الحرقة والنار
يا ريت الدنيي بتزغر .. وبتوقف الأيام
وهالأُوضة وحدا بتسهر .. وبيوت الأرض تنام
وتحت قناديل الياسمين
إنت وأنا مخبّايين
نحكي قصص حلوين .. ولا مين يدرى شو صار)
ضحكت ام سعود باعلى صوتها: بس انتي وياها يلا الحريم جاين تغرقنا بالماء اخلصن
دخلو البنات للفلة الرئيسية
كانت شمس واقفه تناظرهم مثل الغريبه
دخلت فلتها وطلعت لقصر ابوها تقوم فيه

-خامس ايام العيد-
-بعد صلاة الفجر-
صحى الجد مسعود على اتصالات تنهل على جواله الرسمي
فز من سريره وطلع للمكتب اتصال على شخصية معينه ياخذ منها بعض الاخبار

-فلة ابو عمر-

فز برجس على صوت امه وهي تدق الباب
فتح الباب بخوف
برجس وهو يناظر امه بخوف: شبلاك يمه؟؟؟
ام عمر بدموع: جدتك عتيقه بالقريات والصوايخ ترجف رجف فوقهم جدك ناوي يطلع ،،،،سكر برجس باب الغرفه وتوجة لغرفه الملابس
نزل عمر يركض من جناحه ووراه ابوه

-فلة ابو رواف-

وقفت فاطمه بدموع قدام الباب: يبه تكفى لاتطلع تكفى تكفى لاتطلع
ابو رواف وهو يحاول يهدي نفسه: جدتك هناك بروح اجيبها افهمي
فاطمه وهي تهز راسها بنفي:لا لا،،،،يبه تكفى لاتروح لاتخليني ابيكك تكفى يبه
ام فاطمه وهي تمسك كتفه: تكفى يامشعل لاتروح ماتشوف الاخبار يقولون الصواريخ تمر فوق
صرخ ابو رواف بحده: حنا بحمى بن سعود لو فتات صاروخ مايتجرأ ابن مره يطيحه وخري انتي وياها وخري

-ساحات العز-

وقفو الرجال حول سيارة الجد مسعود
ابو سعود: يبه اذكر الله انا بروح اجيب امي عتيقه واعود
الجد مسعود بحده وهو يضرب السياره: مانهديت من حيلي يابندر لجل ارسل غيري
عبدالعزيز وهو يهدي نفسه: يبه اذكر الله خل واحد منا يروح انت دم ضروسهم لو درى واحد منهم انه الفريق اول مسعود بن البتال بذاك المكان انت اعلم وش بيصير
الفيصل: عبدالعزيز كلامه صح اقلها حامد يروح الان الخطوط الجويه مقفله والخط مافي سياره تمر الا دبلوماسية ولا عسكرية الان هنا نطاق احمر وين تروح؟؟
الجد مسعود بحده وهو يركب سيارته: مالكم شان ان جاني شي شهيد وان سلمت وعودت بشرفي وعرضي
تحرك بسيارته من اما الفلة الرئيسية لين البوابة الاولى
نزل برجس وهو لابس ثوبه ومتعصب بالشماغ وفرده على جنبه،،،،،،وقف برجس قدام سيارة جده
وقف الجد مسعود وفتح شباكه ونطق بحده: ابعد يابرجس
قرب برجس من سيارة جده ونطق بهمس:............
هز الجد مسعود راسه ،،،فتح الباب ونزل
ركض سلمان بخوف على برجس: وين وين؟؟؟؟؟
حضنه برجس: لاتخاف شوي وبعود لك ولا تبي اسوي سواتك واغيب سنتين؟
ضحك سلمان: الله يقويك
قرب عبدالله ببتسامه: ورع لاتطول
حضنه برجس وهمس بأذنه: جوالي اللي بالي بالك فوق انت بس احشر سعود وعلمه واحد فيكم ينفذر اللي بالملاحظات
ضحك سعود وهمس له: بس؟ شي ثاني؟
ضحك برجس: لا وانتبه لسهم واكله ،،،وانتبه لحلالي لين اعود،،،،،،،،ركب برجس السياره وتحرك