_මනෝහර_ (completed)

07: බියර් කාල

කමෙන්ට් ගෝල් 50

"ශ්වේද!! ශ්වේද ඔහොම නතර වෙනවා!! ශ්වේද නතර වෙන්නයි කිව්වේ ඔහොම. ඔය අසිපතක්. දෙන්නෙ ගුටි. කපාගනින්කො පුලුවන් නම් බොටුව. නතර වෙන්නයි කිව්වෙ"

තවේෂ් ශ්වේද පස්සෙන් හති හලාන දුවන් ගියේ තමන්ගෙ අසිපත උස්සගෙන දුවන බාල මල්ලි ව අල්ලා ගන්න. මහරජුට සහ සාමාන්‍ය ජනයන්ට අකුල් ගසන ධනපතින්ට විරුද්ධව විප්ලවකාරී ලෙස සටන් වැදුන තරුණයෙක් වෙච්චි තවේෂ්ගෙ අසිපත , බාල මල්ලි උස්සගෙන දුවන එකට තවේෂ් යකා ආවේස උනා.

"ආ අයියණ්ඩි. මම දන්නවා මේ අසිපතක් කියලා. අසිපත ඕනෙ නම් එලි කරමු බලන්න අයියණ්ඩියෙ මහ ලොකු රහස"

ශ්වේද හිනා වෙනකොට තවේෂ් බිමට පාත් වෙලා බිම දාපු පොල් ලෙල්ලකින් ශ්වේදට දමලා ගැහුවම ශ්වේද අමාරුවෙන් පැත්තකට පැන්නා.

"මොකක්ද ඔය කියන මල ඉලව් රහස?"

තවේෂ් නෝක්කාඩු ස්වරයෙන් අහනකොට ශේවේදගෙ මූණෙ හිනාවක් ඇඳුනා.

"රහසද? කවුද අයියණ්ඩි අර හඳ පානෙ හම්බෙන්ඩ කියලා කුලප්පුව හැදුනු වහු පැටියා වගෙ වෙරළට දුවන්නේ? ආ? මාස ටිකේම අයියණ්ඩිගෙ හැසීරීම අල්ලන්නෙ නෑ මට ඕන්. කවුද අයියණ්ඩි ඒ? මූදු අප්සරාවක් වත් ඇන්න එන්නද හදන්නෙ ඕම ගොයින්?"

ශ්වේද බඩ බදාන හිනා වෙනකොට අසුරු ශනයකට තවේෂ්ගෙ මූණෙ හිනාවක් ඇඳුනෙ උන්දෑ රෑට රෑට නටන ජවුසම මතක් වෙලා. සෙබලුන්ට පෑගෙන්න ගිහින් බේරා ගත්ත මනෝහර , තමන්ට වසර ගානකටවත් අමතක නොවුනු කිඳුරු කුමාරයා කියලා දැන ගත්තාම හැමදාම එලිවෙන පාන්දර , මනෝහරව හම්බෙන්ට තවේෂ් වෙරල බඩට යන්න පුරුදු වෙලා උන්නා. මනෝහර ගෙ විකාර කතා අහන්ටයි , මනෝහර එක්ක රණ්ඩු සරුවලේ වැටෙන්නයි තවේෂ් දැක්කුවේ එසේමෙසෙ මනාපයක් නෙවෙයි. ඒත් මේකා රෑට රෑට උන හොර ගමන් දැන ගන්නෙ කොහොමද?

"ඒයි පොඩි එකා. ලොකු උන්ගෙ මගුල් හොයන්නෙ නැතිව ඉන්නවා"

තව පොල් ලෙල්ලක් කන ගාවින් මාරු වෙනකොට ශේවේද අසිපත කිහිල්ලෙ ගහාන කඩුල්ලෙන් එහා පැන්නා. හිනා වෙවී අයියණ්ඩි පස්සෙන් එනවාද බල බල දුව ගියපු ශේවේද කොහෙන්දො ආව තොරොම්බල් කාරයෙක්ගෙ ඇගෙ වැදෙන කොට ශේවේද ඒකගෙ ඇය උඩට වැටිච්චි. ඒකා ගෙ කොන්ද බිම ඇනිච්චි. මාල වලලු , කන කර අයිත්තම් , පට පිලී ඔක්කොම අහසෙ ඉගිලෙච්චි.