_මනෝහර_ (completed)

53 : අපි තමයි අපිව දන්නෙ

කමෙන්ට් ගෝල් 50

"මොනවා තමුන්...? තමුන් මොකද අපේ ගෙදර කරන්නේ ආ?"

අහර්ශ කෑ ගැහුවේ ගේ ඇතුලෙ ඉඳගෙන සාලෙට ඇවිදගෙන එන නතාලියා දැකලා. මේකි මොන අඩව්වකින් මෙහෙට පාත් උනාද කියලා අහර්ශට තේරුමක් තිවුනෙ නැතුවා. ඇරත් වාහනේ එලියෙ තිවුන නිසා අයියා ඇවිල්ලා කියලා තේරුනත් මෙහෙම දොර හායි ගාලා ඇරලා දාලා මේකා මොන දීපංකරේකට අතුරුදහන් උනාද කියලා අහර්ශ පුදුමෙන් කල්පනා කලා.

ඒ අස්සෙ නටාලියා කියන්නෙ මොකීද කියලා දන්නෙ නැති ශයාන් පුදුමෙන් ඒකි ඇඳගෙන උන්නු පපුව එලියට පැන්න ඇඳුම දිහා කට ඇරලා බලන් උන්නා.

"උඹ මොනවද බලන්නෙ..? පාඩුවේ ඉන්නවා පොඩි යකා"

අහර්ශ නටාලියාව පැත්තකට කරලා ඒ ගමන ශයාන්ට දොස් දෙවොල් තියන්ඩ අරගෙන. ශයාන් අහිංසකයා ගානට අහර්ශ දිහා බලලා බිම බලා ගන්නකොට නටාලියා මුන් දෙන්නගෙ අඬ දබරෙ පටන් ගන්න කලියෙන් මැද්දෙන් පැන්නා.

"මගෙ බෝයි ෆ්‍රෙන්ඩ් ගෙ ගෙදර දොර මට ඕනෙ වෙලාවක...."

"කවුද යකො උඹේ බෝයි ෆ්‍රෙන්ඩ්? මම උඹේ බෝයි ෆ්‍රෙන්ඩ් නෙවෙනෙ.. අපෙ අයියත් නෑ. මනෝහර අයියට කොහොමත් උඹව රුස්සන්නෑනෙ.. මංජු අයියත් නෙවෙනේ. මේ ගෙදර පිරිමි එච්චරනෙ ඉන්නෙ... උඹලාට දෙන්න මෙහෙ මිනිස්සු නෑ.. ආ නෑ ටිකක් හිටපන් වත්ත පහල බැඳපු හරකා ඉන්නවා. ඒකා ද උඹේ බෝයි ෆ්‍රෙන්ඩ්?"

අහර්ශ වක්කඩ කැඩුවා වගෙ කියාගෙන කියාගෙන යනකොට ශයාන් බයිසිකල් හැන්ඩ්ල් එකක් ගිල්ල ගානට අහර්ශ දිහා බලාන උන්නා. කැම්පස් එකෙ මේකාගෙ කටේ සද්දෙ මීට කලියෙන් අහලා තිවුනත් , මේකා ආවේස වෙලා වගේ කියෝනවා ශයාන් කාලෙකින් අහලා තිවුනෙ නැතුවා. ඇරත් ශයාන්ගෙ අණ්ණාගෙ හුරතලේ කෑ ගැහුවත් පිටාර ගලන විත්තිය ශයාන්ට තේරුනා.

ඒ අස්සෙ අහර්ශගෙ කතාව අහපු නටාලියාගෙ මූණ දෙක උනා. නටාලියා මොනවා හරි කියන්න කලියෙන් බාත් රොබ් එකක් කරේ දා ගත්ත සෙනේෂ් කිහිලි කරුවත් කිහිල්ලෙ ගහාන වැට අල්ලගෙන අමාරුවෙන් පඩි බහිනවා. නටාලියා ගේ මැද ඉන්නවා දැක්ක සෙනේෂ් ගෙ මූණ දෙක උනා.