_මනෝහර_ (completed)

62 : හැට දෙවන කොටස

කමෙන්ට් ගෝල් 50
⚠️ Sensitive content

මනෝහර විසි වෙලා ගිහින් බිමට ඇදගෙන වැටෙනවා සම්නායක ඇමති බලාන. ඒකාගෙ මැර හෙංචයියො දෙන්නෙක් එකතු වෙලා මනෝහර ට දිගට හරහට පහර දෙනකොට නහයෙන් කටෙන් ලේ පෙරාන හිටපු මනෝහර නාඩා ඉන්න උපරිම උත්සාහයක් දැරුවා. ඇඟ පතේ වේදානව වගේම වෙඩි පාරේ වේදනාවට මනෝහර ට වට පිටාවෙ තිබ්බ අඳුර දෙගුණ තුන්ගුණයක් අඳුරු වෙලා පෙනුනේ. අත් දෙක පිටි පස්සට බැඳලා තිවුනු මනෝහර , බිම වැටිලා අමාරුවෙන් කහිනකොට සම්නායක ඇමති ඇවිල්ලා මනෝහර ගෙ කෙස් වැටියෙන් ඇදලා මනෝහරව කෙලින් කලා.

"මට කියපන්... උඹලෑ රාජධානිය තියෙන්නෙ කොහෙද කියලා?? මනෝහර මේ ඉලව්වෙ තියන මගුල මට තේරෙන්නේ නැහැ. මේ සිතියමේ තියන ඉසව්වෙ තියෙන්නෙ පරණ නටඹුන් ගොඩක් විතරයි. මට කියපන් උඹලෑ රාජධානිය කොහෙද කියලා මනෝහර... නැත්තං මම උඹව පණ පිටින් කෑලි කෑලි වලට කපනවා. කියපිය මට!!"

සම්නායක ඇමති දත් මිටි කන ගමන් කියනකොට මනෝහර අමාරුවෙන් හුස්ම ගත්තා. සම්නායක ඇමති කීව සමහර දේවල් වලින් මනෝහර තේරුම් ගත්තෙ එදා සෙනේෂ් එක්කලා මහ රෑ ජාමේ ගොහින් පැන්නේ මේකාගෙ බංගලාවට විත්තිය. ඒ වගේම සම්නායක ඇමතිත් ඒ සෙනේෂ් පැන්නෙ විත්තිය අනුමාන කරගෙන හිටියා වගේම ඒකා මනෝහරගෙ කඳුළු දැක්ක හැටියේම එදා බිම තිබිලා හමු වෙච්චි අස්රූ වල අයිතිකාරයා කවුද විත්තිය ඒකාට සැකයක් නැතිව ඔප්පු උනා.

අනිත් කාරණේ විදියට මේකා ගාව තියන සිතියම සහ ඒකා ඔය කියන ඉසව්ව මනෝහර දැනගෙන උන්නා. ඒකාට කොහොම අමතක වෙන්නද? ඒ ඒකා හැදුනු වැඩුණු කිඳුරු රාජ්‍යයය. ඒත් මනෝහර ට නිනව්වක් නැහැ සම්නායක ඇමතියා නැත්නම් ~ ගිය ආත්මේ නිළමේ ඇත්තො , ඔය කියන රාජ්‍ය හොයන් ගියානම් ඇයි ඒ රාජ්‍ය එතැන නැත්තෙ කියලා. මනෝහරගෙ හිතට ලොකු බරක් දැනුනා.

ඒ වගේම මෙන්න මේකා කියන විදියට ඌ ගාව තව කිඳුරෙක් ඉන්නවා. කොහෙන් මුලිච්චි උනාද , කොහොම අහු උනාද නොදැන උන්නට මනෝහර ගෙ හිත ඒ වචන වලට පිච්චිලා ගියා.

"කියපිය කොහෙද තියෙන්නෙ කියලා"

"මනෝ..හර දන්නෙ නැතුවා.."