කමෙන්ට් ගෝල් 50
⚠️ Tigger warning
" මනෝහර නැගිටපන්!! මම උඹට තෑග්ගක් ගෙනාවා! නැගිටපන්"
සම්නායක ඇමතිගෙ කටහඬ ඇහුනකොට මනෝහර හිමීට හිස එසෙව්වා. මනෝහර ගෙ එහා පැත්තෙ තද නින්දට වැටිලා උන්නු අර්නව්ත් ඒ කටහඬට ගැස්සිලා , වෙව්ල වෙව්ලා නැගිට්ටා. මනෝහර මේ ගුබ්බෑයමේ හිර වෙලා අදට දවස් තුනක් වෙච්චි. දවස් දවස් තුනටම උන් මනෝහරව අඬව අඬවා හෙව්වෙ ඒකාගෙ ඇස් වලින් වැටෙන වටිනා මුතු කැට. ඒ අස්සෙ උගෙන් කින්නර රාජ්‍යය ඇන ඇහුවත් මනෝහර නෙවෙයි කට හෙලෙවිවෙ ඩිංගක්වත්. ඇරත් ඒකා පරණ රාජ්‍ය තියන ඉසව්ව දැනන් උන්නත් , අර්නව් කියන විදියට වෙනත් ඉසව්වකට ගෙනිච්ච කින්නර රාජ්‍ය ගැන දන්න ලබ්බක් නැති වෙච්චි.
කොහෙන් කොහොම හරි සම්නායක ඇමතිගෙ කටහඩට මනෝහර නින්දෙන් අවදි වෙලා හීනියට ඇස් ඇරලා බලනකොට ඒකා ගෙ ඇස් ඉස්සරහ උන්නු රූපෙ දැකලා ගල් ගැහුනා. බිම වැටිලා සිහි නැතිව උන්නු පණ නැති ඔහුට ආපදාවක් තිවුනු වගක් පෙනුණෙ නැහැ. සම්නායක ඇමතිගෙ හෙන්චයියො ඒකාට තුවක්කුව දික් කරගෙන බලාන උන්නෙ සූදානම් ශරීරෙන්. මනෝහර ගෙ ඇඟපත හිරි වැටිලා යනකොට ඒකා වෙව්ල වෙව්ලා නැගිට්ටා. ඒකාව නවතන පාටක් නැති නිසා වෙව්ලන දෙපාවලින් පැටලි පැටලී ඒකා ඉකි ගහ ගහ ඒ ඉසව්වට ඇවිදගෙන ගියා.
"මයෙ මහත්තයා...? මනෝහරගෙ ම..මහත්තයා. මයෙ මහත්තයෝ"
මනෝහරට ඉකි ගැහුනා. අස්රූ කැට සට සට ගාගෙන බිම වැටෙනකොට මනෝහරගෙ කටහඬෙ හුරුපුරුදු බවට , ක්ලෝරෆෝම් වලට මූදු වෙරලෙදී සිහි නැති වෙච්චි සෙනේෂ් ඇස් දෙක ඇරියේ ඔලුවෙන් දැනෙන වේදනාව දරාගෙන. ඒකාට අඳුරු මූසල කුටියක , හීතල පොලොවක් මත්තෙ, දරා ගන්න බැරි ඔලුවෙ රුදාවක් එක්කලා බිම වැටිලා ඉන්නෙ මක්කද කියලා නිනව්වක් මුලින්ම නොතිබිච්චි. ඒත් ඊළග තප්පරේ ඒකාගෙ ඇස් රැඳුනෙ තමන් ගාවට බඩ ගාගෙන එන මනෝහර ගාව.
"මනෝ.....හර?"
සෙනේෂ් මිමිණුවෙ තමන් දකින්නෙ මායාවක්ද කියලා හිතා ගන්න බැරිව. ඒකාට මතක මෝටර් බෝට්ටුවක් බලන්න මූද ගාවට යද්දීම ඒකාගෙ පිටි පස්සෙන් නහයට තද උන , සැර ගඳක් ගහපු රෙදි කෑල්ල විතරයි. ඊට පස්සෙ පලාතම කලුවර කරලා යද්දී ඒකා ආයෙම ඇහැරුනේ මේ ගුබ්බෑයම අස්සෙ.
YOU ARE READING
_මනෝහර_ (completed)
Fantasy" මහා කෝළ සන්නි යක්ක උත්තමයගෙ අවතාර දහ අටෙන් ඉපදුණු සන්නි දහ අට දැක්කට ඔය ඇත්තො තාම කිඳුරු සන්නිය දැකලා නෑ නොවැ. ඔන්න බලා ගනිල්ලා මේකයි කිඳුරු සන්නිය!! " Cover credit goes to : lchi_jk
