කමෙන්ට් ගෝල් 50
"මනෝහරට මයෙ මහත්තයා නැතිව පාලුයි. මනෝහර ඉන්නෙ කොහොමැයි මේකගෙ මහත්තයා නැතිව.... වන්දීත් යාලු. මනෝහර ට උදව් කරනවාද මයෙ මහත්තයා හොයා ගන්න"
මනෝහර ගෙ ඔය කියන මහ ලොකු මහත්තයාගෙ ගෙදර පයිප්පෙ දිගෙ ඉහලට නගින ගමන් වන්දීත්ට මීට හෝරා කීපයකට පෙරාතුව මනෝහරගෙ දුකෙන් පිරුණු කටහඩ මතකෙට නැගුණා. මනෝහාර කීව තාලෙට වන්දීත්ට මනෝහරට බෑ කියන්න බැරි උනා. ඇරත් අත් දෙකෙ එල්ලිලා මේකා දෙපාරක් තුන්පාරක් දොඩද්දී....
බෑ කියා ගන්න බැරි කමට , ගෙදර තියන්නෙ මොන දිපංකරේද කියලා වත් නොදැන මනෝහර ගෙ ඇඳ උඩ ඉල්ලපු ' ඩේටා ' පේපර් එකෙන් මනෝහර ගෙ ලියාපදිංචි ලිපිනෙ හොයාන මුන් දෙන්නා රෑ ජාමේ දෙවනි තට්ටුවේ පිළිකන්න පැත්තෙ ඉඳන් ඉස්පිරිතාලේන් බිමට බඩ ගා ගත්තා.
හිතුවටත් වඩා ලේසි උනාට වැඩේ වන්දීත් ට දැනුනා තමන්ගෙ මේ මුන් කියන පිස්සුව තවත් වැඩි වෙලා කියලා. කෝම නමුත් වන්දීත් ජීවිතෙ කවමදාටත් වඩා හිනා වෙවී උන්නා. මනෝහර ගෙ මහත්තයාගෙ ගෙදර පයින් යන දුරට ඩිංගිත්තක් වැඩි උනාම වන්දීතුයි මනෝහර යි අත් පටලෝගෙන පයින් ගෑටුවා.
තමන් මොන ඉලව්වකට මේ පිස්සු හැදුන යකා එක්ක ඌව විශ්වාස කරලා මහ රෑ දෙගොඩ හරියෙ ඒකගෙ ගෙදරට යන්න තීරණය කලාද කියලා වන්දීත් දැනන් උන්නෙ නැහැ. ඒත් වන්දීත්ගෙ හිත කීවෙම 'මෙන්න මේකට උදව් කරපන්' කියලා.
"සමහර විට දොස්තරලා මට පිස්සු කියන්නෙ මේ නිසා වෙන්න ඇති"
වන්දීත් කොහොමෙන් කොහොම හරි හිත හදා ගත්තා.
මනෝහර ගෙ මහත්තයාගෙ ගෙදර ඇරිලා තිබ්බ ජනේලෙන් ඇතුලට බඩ ගාලා වන්දීත් සහ මනෝහර සාර්ථක ලෙස මෙහෙයුම ඉෂ්ට කළා. හිස් කාමරයක් වෙච්චි ඒකෙන් දැනෙන නොදැනෙන ගානට එලියට රිංගුව අලුත් යාලුවො දෙන්නා මනෝහර ගෙ ඉල්ලීමට කුස්සියට බඩ ගෑවේ මනෝහර ට හෙට උදේ පාන්දරම ඒකගෙ මහත්තයාට රස හොද්දක් ලිපෙ තියන්න ඕනෙ කීව නිසා. වන්දීත් මනෝහර ට එකග උනෙ ඒකගෙ මූණ දිහා බලන් බෑ කියා ගන්න බැරි කමට.
"අප්පෙ මයෙ යාලු. ලතා අක්කණ්ඩිගෙ සෝබනේ.. දර කෑල්ලක් නෑ නොවැ. අනික මනෝහර මොනවැයි උයන්නෙ?"
YOU ARE READING
_මනෝහර_ (completed)
Fantasía" මහා කෝළ සන්නි යක්ක උත්තමයගෙ අවතාර දහ අටෙන් ඉපදුණු සන්නි දහ අට දැක්කට ඔය ඇත්තො තාම කිඳුරු සන්නිය දැකලා නෑ නොවැ. ඔන්න බලා ගනිල්ලා මේකයි කිඳුරු සන්නිය!! " Cover credit goes to : lchi_jk
