කමෙන්ට් ගෝල් 50
සෙනේෂ් මනෝහරව අරගෙන ගියේ පහල තට්ටුවේ තිවුන බාත්රූම් එක අස්සට. මුන් දෙන්නාම මඩ නාන මඩකරියෝ ගානට දුඹුරු පාට වෙලා. ඒ අතරවාරේදී සෙනේෂ් ගෙ බිඳුනු පාදයෙන් වේදනාවක් දැනෙමින් තිවුනත් ඒ වේදනාව නොදැනෙන්න තරමට ඒකාගෙ පපුව වේගයෙන් ගැහෙන්ට අරගෙන. මනෝහර තව ඩිංගෙන් ඇවිලුනු රතිඤ්ඤා කරලා ගොඩකට මැදි වෙන්න කියලා මතක් වෙනකොට , තමන් එන්ඩ විනාඩියක් පරක්කු උනා නම් කියලා හිතෙනකොට සෙනේෂ් ගෙ බඩ පපුව දාලා ගියා ඔන්ඩ.
"මෝඩ කිඳුරා.. පිහාටු මොළයක් තියන මෝඩ කිඳුරා... මට ඕනැති අඹ මාළුවක් නෑ. කී ගමනක් කීවද ඔය ලිප් බඳින්න එපා කියලා ඒකත් මම නැති වෙලාවක. එතන පිපිරිලා මැරුනා නම් මෝඩයා. උඹට මොනවා හරි උනා නම් මම මොන දෙයියට කියන්නද? මම පපුව පැලිලා මැරෙයි.. ආයෙම මොකුත් උයන්න කරන්න යන්න ඕනෙ නැහැ. ලිප් බොක්කවල් බඳින්න යන්න ඕනෙත් නැහැ. පාඩුවේ ඉන්න. මම උඹට රසට බඩ පිරෙන්න කන්න දෙන්නම්. හැබෑවටම මෙච්චර කෑම තියනකොට උඹ මොකටද මාලුවක් උයන්න තැනුවේ...?"
සෙනේෂ් තොරතෝංචියක් නැතිව මනෝහරට බනිනකොට මනෝහර සෙනේෂ් ගෙ ටී ෂර්ට් එකෙ කොනක් අල්ලාන බිම බලාන ආවේ. ඒකා සෙනේෂ් මොකටද මාළුවක් උයන්න තැනුවේ කියලා අහනකොට හිමීට ඔලුව උස්සලා ඒකා දිහා බැලුවා.
"මයෙ මහත්තයාව සතුටු කරන්නලු ඕන්..."
මනෝහර කියනකොට සෙනේෂ් මනෝහර දිහා බැලුවා. මනෝහර ඒකාගෙ කළු පාට ඇස් ගෙඩි දෙක බෝල කරාන සෙනේෂ් දිහා බලාන ඉන්නකොට ඒකට තව බනින්නත් දුකයි. මොකුත් නොකිව්ව සෙනේෂ් වසවත්ති බීඑල් ලෝලී ලතා අක්කණ්ඩියි , මංජු පුතායි නෑ කියලා සැක ඇරගෙන මනෝහර ගෙ තොල් මත්තෙ තොල් තියලා සිප ගන්නකොට මනෝහර ඒකාගෙ සර්වාංගම රතු කරාන බිම බලා ගත්තා.
"මයෙ මහත්තයා ම..?"
"ආදරේ හින්දාලු ඕන්"
සෙනේෂ් වෙනදා මනෝහර කියන වාක්‍ය මනෝහර ට කියනකොට, ඒ වචන තුනට ආලවන්ත හිතකට මොනතරම් බලපෑමක් කරන්න පුලුවන් ද කියලා මනෝහර ට ඇස් ඉස්සරහම පසක් උනාම මනෝහර ගෙ ඇස් දෙකට කඳුලුත් පිරුනා.
YOU ARE READING
_මනෝහර_ (completed)
Fantasy" මහා කෝළ සන්නි යක්ක උත්තමයගෙ අවතාර දහ අටෙන් ඉපදුණු සන්නි දහ අට දැක්කට ඔය ඇත්තො තාම කිඳුරු සන්නිය දැකලා නෑ නොවැ. ඔන්න බලා ගනිල්ලා මේකයි කිඳුරු සන්නිය!! " Cover credit goes to : lchi_jk
