කමෙන්ට් ගෝල් 50
"ගල් ලෙන බිඳලා
ලෙන් දොර ඇරලා
සිංහබා....
සිංහබා... සිංහබා...."
"නපුරු කුමාරයා. හොඳක් වෙන්නෙ නැහැ ඕකට. දෙයියොම බලා ගන්න ඕනෙ මේකව!! සූනියම් දෙයියො ඉස්සරහ පොල් ගහලා සාප කරන්න ඕනෙ ඕකට!! අහිංසකයා සිංහයා. දාලා ගියා නොවැ ඕකා.."
"අනික.. අර අම්මණ්ඩි. ඒකි ගියා පුතණ්ඩි කීව දේ අහාන මිනිහව දාලා. මනෝහරට තරහයි දුකයි ඕන් මයෙ මහත්තයො. අපි අරකට උදව් කරමු මයෙ මහත්තයෝ. අර සිංහභාහුවා අනිත් උන් ටික දක්කගෙන ගියෙ අර ඉසව්වටනෙ"
මනෝහරව සිංහබාහු නාට්‍ය ප්‍රජා ශාලාවෙ පෙන්වනවා කීව ආරංචියට මේකාව යාලු කර ගන්න හිතාන සෙනේෂ් එක්කගෙන ආවත් මේකා මෙහෙම අඩව්වක් අල්ලයි කියලා සෙනේෂ් හීනෙකින්වත් බලාපොරොත්තු උනෙ නැහැ. අහර්ශයි මංජුයි දෙන්නම ආවේ නැති නිසා මේකා කීන මල ඉලව් අහාන සමාජෙට තනිවම මූණ දෙන්න උනෙ සෙනේෂ්ට.
ඉස්සරහම පෝලිමේ ඉඳන් මේකා කෑ ගහන කෑ ගැහිල්ලට මේකා තව ඩිංගකින් සිංහයාගෙන් හොද එකක් අහ ගනීය කියලා සෙනේෂ්ට හිතුනෙ , සිංහබාහු පැත්තකින් තියලා ප්‍රේක්ෂක ප්‍රජාව මනෝහර පෙන්වන කෝලම් නාටකය රසවිඳින්න අරන් තිවුන නිසා.
"සිංහ යාලු!! උඹලෑ පුතණ්ඩි ගියෙ අර ඉසව්වට අර අර"
මනෝහර පුටුව උඩ හිට ගන්න තනනකොට සෙනේෂ් මනෝහර ගෙ අතින් ඇදලා අරගෙන පුටුව උඩ වාඩි කරවලා , මේකා ගෙ කට තද කරගෙන වැහුවාම ඇස් දෙක දොඹ ගෙඩි දෙක කරාන මනෝහර සෙනේෂ් දිහා බලාන උන්නා.
"මයෙ ම......."
"මනෝහර හොඳ එකා වගෙ ඉඳින්කො ටිකක්. නැත්තං මම ඔහෙව එලියට ඇදගෙන යනවා!!"
සෙනේෂ් ටිකක් තදින් කියනකොට මනෝහර නිශ්ශබ්ද උනා. මනෝහර ගෙ කට අල්ලගෙන මිරිකගෙන සෙනේෂ්ට ඉතිරි විනාඩි කීපය ගත කරන්න උනත් , අවසාන ජවනිකාවට එද්දී සෙනේෂ් හෙම්බත් වෙලා තිවුනා විතරක් නෙවෙ , සිංහබාහු සිංහයාට විදින්න දුන්න අතට ගන්නකොට මනෝහරට යක්සයා ආවේස උනා.
" ඉඳකින් අවජාතක බල්ලා. උඹ කෝමැයි මයෙ සිංහ යාලුට ඊතල විදින්නෙ. ඉඳා තොට මම"
YOU ARE READING
_මනෝහර_ (completed)
Fantasía" මහා කෝළ සන්නි යක්ක උත්තමයගෙ අවතාර දහ අටෙන් ඉපදුණු සන්නි දහ අට දැක්කට ඔය ඇත්තො තාම කිඳුරු සන්නිය දැකලා නෑ නොවැ. ඔන්න බලා ගනිල්ලා මේකයි කිඳුරු සන්නිය!! " Cover credit goes to : lchi_jk
