_මනෝහර_ (completed)

09 : ඔටුන්න

කමෙන්ට් ගෝල් 50

"යනවා කාමරේට ගිහින් හරි හමන් ඇඳුමක් ඇඳන් එනවා. එනවා යන්න. මේකා හින්දා මට ලඟදීම පිස්සන් කොටුවේ යන්න වෙනවා"

තරහෙන් කෑ ගහන සෙනේෂ් දිහා ඇස් ලොකු කරගෙන බලාගෙන ඉන්න මනෝහරව අතින් ඇද ගත්ත සෙනේෂ් වේගයෙන් ඒකව කාමරේට දක්කගෙන යනකොට මනෝහර සෙනේෂ්ගෙ අතෙ එල්ලිලා ඇවිදගෙන ආවා. කාමරේ දොර ගාවටම දක්කගෙන ආව සෙනේෂ් දොර ඇරලා මනෝහරව ඇතුලට තල්ලු කලාම වීසි වෙලා ගියපු කොලුවා පපුවට අත් දෙක තද කරගෙන සෙනේෂ් දිහා බලාන හිටියා.

"මොකද ඒ පාර?"

"මයෙ මහත්තයා මීට කලින් කවදාවත් මනෝහර ට බැනලා නෑ. ඇයි මයෙ මහත්තයො මට බනින්නෙ. මනෝහරට දුකයි නෙ ඕන්"

මනෝහර බිම බලාගෙන කීව විදියට සෙනේෂ්ට දුකක් ඇති උනත් පෙන්වන්න ගියේ නැහැ. මනෝහර ට දෙකක් රැව්ව සෙනේෂ් අහක බලා ගත්තා.

" කට වහගෙන ඇඳුමක් දාගෙන එනවා. කෝ ඉක්මනට!!"

තරහෙන් වගේ කීව සෙනේෂ් දොර දඩාං ගහලා වහලා දාලා දොරට රැව්වා. තොල් පට තද කර ගත්ත ඒකා පහල තට්ටුවෙ ඉඳන් මනෝහර ගෙ අම්මා මුත්තා මතක් කර කර මොනවදෝ කියනවන ලතාගෙ අදෝනාව අහගෙන. සෙනේෂ් දොරට ජැක්කුවක් ගහාන කල්පනා කලා.

"මේකගෙ අම්මා අප්පා මොක්කුද දන්නෑ. කොල්ලාව කැලේට හැදෙන්න අතෑරලා මුන් කොහෙට මකබෑවිලාද දන්නෑ"

සෙනේෂ් තමන්ටම කියා ගත්තා. සෙනේෂ් ඒ වෙනකොට මීඩියා වල වගේම FB එකෙත් මනෝහරව දන්න කෙනෙක් ඉන්නවා නම් තමන්ට දන්වන්න කියලා පලකරලා තිබ්බෙ. ලැව් ගින්නක් වගේ පෝස්ට් එක ෂෙයා වෙනකොට ඒකව දන්න උගෙ හතර වරිගෙ ගෑවිච්ච මොකෙක් හරි ඉන්නවා නම් තමන්ට දන්වනවා කියලා සෙනේෂ් දන්නවා. ඒත් පුදුමෙ කියන්නෙ මේ හත්වලාම දන්න මොකෙක් වත් මේ රටේ නැති එක. කල්පනාවට වැටිලා උන්නු සෙනේෂ් ගෙ ෆෝන් එක රින්ග් වෙනකොට සෙනේෂ් ස්ක්‍රීන් එක දිහා බැලුවා.

ප්‍රොෆෙසර් සමුද්ධ

ටිකක් වෙලා ස්ක්‍රීන් එක දිහා බලාන හිටපු සෙනේෂ් කෝල් එක උස්සලා කනේ තියා ගත්තා.

"හරි ප්‍රොෆෙසර්. මම එනවා"

_______

මනෝහර කොට කලිසම් කෑල්ලක් දවටගෙන කටේ ඇගිල්ලක් ගහාන එලියට ඇවිත් සෙනේෂ් දිහා බලන් ඉන්නකොට සෙනේෂ් මනෝහර ගෙ අතින් අල්ලා ගත්තාම මනෝහර හිනා උනා.