_මනෝහර_ (completed)

37: පලමු හාදුව

කමෙන්ට් ගෝල් 50

" වාව්. ඒකට එච්චර ගානක් හම්බුනාද ප්‍රොෆෙසර්? ආස්රූ වලට? ඉට්ස් ඕකේ මට ට්‍රාන්ස්ෆර් කරන්න හදිස්සි වෙන්න එපා. ප්‍රොෆෙසර් ඒ ටික ප්‍රොෆෙසර් ගෙ රිසර්ච් වලට ගන්න"

"නෑ නෑ ප්‍රොෆෙසර්. ඒකට කමක් නැහැ. කොහොමත් දුන්නාත් මට මම ඕවා මහරගම අපේක්ෂා රෝහලට ඩොනේට් කරනවා. මගෙ නොවන දේක  සල්ලි මට එපා. ඒක නිසා ප්‍රොෆෙසර් කෙලින්ම හොස්පිට්ල් එකට ඩොනේට් කරන්න. නැත්තං ප්‍රොෆෙසර් ඒවා රිසර්ච් වලට ගන්න"

සෙනේෂ් කියාගෙන යනවා කවිච්චියෙ ගුලි වෙලා උන්නු මනෝහර අහාන. සෙනේෂුයි අහර්ශයි රෑ ජාමේ වාඩි වෙලා බියර් එකක් බොන්න ගත්තට ආපු දවසෙම බියර් එකක් බීලා නටපු ජවුසම සිහි උන නිසා සෙනේෂ් මනෝහර නෙස්ටමෝල්ට් එකක් හදලා දීලා ඒකව සැනහුවා. ආයෙත් තමන්ගෙ නැති ප්‍රෙෂර් වැඩි කර ගන්න සෙනේෂ්ට ඩිංගිත්තක්වත් උවමනාවක් නැතුවා.

මනෝහර  ආස්රූ කියලා සෙනේෂ් හඳුන්වන්නෙ කිඳුරන් ගෙ කඳුලු විත්තිය දැනගෙන උන්නෙ එදා රෑ ජාමේ සම්නායක ඇමති කාරයා ගෙ ගෙට පැන්න වෙලාවේම. සෙනේෂ් ඒවා විකුණලා කාසි හොයලා කියන වචනෙ ඇහෙද්දීත් මනෝහර ගෙ පපුව දාලා ගියා. එදා වගේම අදත් සෙනේෂ් දැන හෝ නොදැන කඳුලු, කාසි වලට හිලව් කරගෙන. පපුව දාලා යද්දී මනෝහර හීන් සීරුවේ නැගිටලා එතැනින් ඇවිදගෙන යනකොට කෝල් එක කට් කරපු සෙනේෂ් මනෝහර යන ඉසව්ව බලාන.

"ඒයි අයියේ. නොකියාම කුමාරයා යන්න ගියාට දුකෙන්ද මන්දා"

සෙනේෂ් ගෙ එහා පැත්තෙ වාඩි වෙලා උන්නු අහර්ශ අහනකොට සෙනේෂ් අහර්ශට දෙකක් රවලා බියර් වීදුරුව තොල ගෑවා.

"නොකියාම ඔයා යන්න යන්න ගියා මා හැර දාලා.. අයියේ ඒ උනාට ඩෙවල් කරපු චිකන් කෑල්ලක් ගේන්න නොදුන්න එක නම් කැත වැඩේ ඈ. ලංකාවේ නම්බර්  වන් බියර් බීලා බයිට් එකට බෝල මුරුක්කු කෑව ලෝකෙ පලවෙනි මිනිස්සු දෙන්නා අපි දෙන්නා වෙන්න ඇති එව්..."

අහර්ශ බෝල මුරුක්කුවක් කටට ඔබා ගන්නකොට සෙනේෂ් උත්තරයක් දුන්නෙ නැහැ. ඒකටත් මේ බෝල මුරුක්කු කෙරුවාව තිත්ත වෙලා තිවුනට චිකනෙක් උස්සන් ඇවිත් මනෝහර ගෙ හිත රිද්දන්න ඒකට හිතුනෙම නැහැ. මනෝහර කිඳුරෙක්ය විත්තිය කොච්චර සාක්ෂි තිවුනත් දිරවා ගන්න මේකට අපහසු උනත් , මනෝහර ඉස්සරහ ඒකාගෙ හිත පාරන සමයමක් නටන්න සෙනේෂ් ට බැරි වෙච්චි.