_මනෝහර_ (completed)

19 : රූං පෙත්තා අවතාරෙ

කමෙන්ට් ගෝල් 50

දානෙ වැඩ කටයුතු බලලා ඇවිදින් ටිකක් නා ගන්න කියලා හිතාන සෙනේෂ් නිවාඩු පාඩුවේ වොෂ් රූම් එකට ගෑටුවේ තුවායක් දවටගෙන. තාලයක් මුමුණන ගමන් හිමීට ඇවිදගෙන ගියපු සෙනේෂ් ගල් ගැහුණෙ බාත් ටබ් එක ගාව ඇණ තියාන ඒක අස්සට එබිලා උන්නු මනෝහර දැකලා. සෙනේෂ් ගෙ ඇස් දෙක උඩ ගියා. මේකා මොන මගුලක් කරනවාද කියලා සෙනේෂ් ට තේරුනෙ නැහැ බාත් ටබ් එකක් අස්සට ඔලුව දාගෙන. ඇරත් මේකා නාන වගයක්වත් , අඩුම බාත් රූම් එකක් ඇතුළෙ කරන්න ඕනෙ මොනයාකාර හෝ ක්‍රියාවක් කරන වගක් වත් පේන්න නැති නිසා සෙනේෂ් අඩියක් ඉස්සරහට තිව්වා.

"මනෝහර?"

සෙනේෂ් ගෙ සද්දෙට මනෝහර ඔලුව උස්සලා බැලුවා. මේකගෙ ඇස් වල කඳුලු දැක්ක සෙනේෂ් ගල් වෙච්චි. මේකා බාත් ටබ් එකක් දිහා බලාන දැන් අඩන්නත් පටන් අරන්ද? සෙනේෂ් ගෙ හිත යන්තමින් පෑරුණු වගක් දොඩන්න සෙනේෂ් කැමති උනෙ නැහැ.

මනෝහර දිහා පුදුමෙන් බලාන උන්නු සෙනේෂ් දිහා බලාන උන්නු මනෝහර කටහඩ අවධි කලා.

"මේ ඇත්තලා පීනන්නෙ නැතුවා. මනෝහර කීන දේ අහන්නෙ නැතුවා. මේ ඇත්තලා හීතලේ. මයෙ මහත්තයා නපුරා. මේ ඇත්තලා හීත යකාගෙ කටට ඔබලා.. පව් ඕං පව් වැඩ මයෙ මහත්තයා"

මනෝහර මූණ ඇඹුල් කරන් කියන මේ ඇත්තලා බලන්න සෙනේෂ් බාත් ටබ් එකට එබුනාම සෙනේෂ්ට කෑ ගැහුනා. උයලා කන්න ගෙනාව හෙන කෙලවල්ලො දෙන්නෙක් බාත් ටබ් එකට ඔබලා ඉන්න මනෝහරවත් බාත් ටබ් එකට ඔබන්න ආව හැඟීම සෙනේෂ් පාලනෙ කර ගත්තෙ අමාරුවෙන්.

"මේ මොකද මනෝහර? මුන් මැරිලා"

"මනෝහර වැල්ලට දුවනවා. මේ ඇත්තන්ට පණ ගන්න"

සෙනේෂ් තරහෙන් කෑ ගහනකොට මනෝහර අඩන ගානට කියාගෙන සෙනේෂ් කීන දේ අහන්නෙ නැති ගානට කෙලවල්ලො දෙන්නාවත් උස්සගෙන වතුර බේර බේර එතින්න දුවන් යනකොට මනෝහර පුදුමෙන් ඒ දිහා බලාන උන්නා.

"මේකට මක්ක උනාද? මනෝහර ඔහොම ඉන්නවා.... අප්පට හුඩු."

සෙනේෂ් මනෝහර පස්සෙන් දුවන්න ලෑස්ති උනත් තාම ඉන්න ටවල් එක පිටින් කියලා මතක් වෙච්චි ගමන මේකා පහු බැස්සා. ආයෙමත් සීඝ්‍රගාමි දුම්රිය ගානට කාමරේට සෙනේෂ් පල්ලම් බැස්සෙ ඇඳුමක් දවටගෙන මනෝහර ගෙ පස්සෙන් යන්ඩ.