කමෙන්ට් ගෝල් 50
මනෝහර කන්නාඩියෙන් පේන තමන්ගෙ රූපෙ දිහා බලාන උන්නා. ඒකාට හරිම අකරතැබ්බක් තමා වෙලා තිවුනෙ ඒ ගමන. සෙනේෂ් එක්කලා එද්දී ඒකා අරගෙන ආව රෙදි එක දෙක ඒකාට හෝදන්න බැරි වෙලාය ඔන්න. කොහෙද කොලුවා නට නටා උන්නා මිසෙක ඒවට සිහියක් කල්පනාවක් තිවුන එකක්යෑ. ඒ නිසා ඒකාට තමන්ට වඩා උස මහත සෙනේෂ්ගෙ පත දාර ටී ෂර්ට් එකක් ඇඳ ගන්න උනා. සෙනේෂ් ඇන්දෙත් "බැගී" විලාසිතාවට යන ඇඳුම් නිසා ඒ ඇඳුම මනෝහර ට හාල් මැස්සට මෝර මාලුවා හා සමාන උනා.
" මේ කෙරුවාව කරන්න බැරුවා. මනෝහර මෙහෙම දැක්කම මයෙ මහත්තයා මොනා නොහිතාවිද? මනෝහර බොහොම අවලස්සනයි ඔන්න මේ ඇඳුමට"
හිච්චි කොට කලිසමකට , විසාල ටී ෂර්ට් එක දවටා ගත්ත මනෝහර ඇඳට පැන්නේ මූණ උරුක් කරගෙන. ඒකාගෙ මහත්තයා අමනාප උනොතින් ඒම නාහා ඇඳුම් දවටා ගත්තාට... සෙනේෂ් පිටතට ගොහින් තාම ආවේ නැති නිසා මනෝහර එතැන තිවුන කොට්ටයක් තුරුලු කරගෙන , ඒකා උන්නු හෝටලෙ දෙවනි මහලට ඇහෙන මූදේ ඝෝශාව අහාන උන්නෙ ඇස් වහාන.
"මූදේ... මයෙ මූදේ... උඹලා සෑහෙන මතක කන්දරාවක් ඔය රැලි අස්සෙ තියාන ඉන්නවා නේද මයෙ මූදේ... ගොඩබිම වෙච්චි මනෝහර ගෙ ජීවිතෙ සුන්දර මතකත් ඔය රැලි අස්සෙම තියාන ඉන්න උඹලට තානම්ද මයෙ මූදේ..."
මනෝහර ඇස් පියාන කල්පනා කරද්දී ඒකාට නිකන්ම මතකයට නැගුනෙ තමන් මුලින්ම සෙනේෂ් ~ නැත්නම් තවේෂ් " මයෙ මහත්තයා" ගාන දෙඩුව දවස. අද වගේ ඒකගෙ මතකෙ තිවුනා ඒ අරුම පුදුම දවස. නොදැනීම මනෝහර ගෙ හිතුවිලි ඒ දවස් වලට ඇදිල ගියා...
"උඹත් එක්කලා ඉන්න හැම හවහක්ම හාස්කම් පිරුණු හවහක් මයෙ මනෝහර... මම උඹලට හරිම ආදරෙයි ඔන්ඩ.."
මූදු වෙරලෙ වාඩි වෙලා උන්නු තවේෂ් තමන්ගෙ උකුලෙ ඔලුව ගහාන උන්නු මනෝහරගෙ දිග කොන්ඩෙ අත ගාන ගමන් මුමුණනකොට මනෝහර ඇස් වහාන හිනා උනා.
"මයෙ මහත්තයෝ...."
ඇස් වහානම මුමුණපු මනෝහර කිව්ව වචන වලට තවේෂ් එක හැටියේම ගැස්සිලා ගියා. ඒකා එහෙමම මනෝහර ගෙ මූණත් තහඩුවට නැවිලා කතා කරන්න ගත්තා. ඒකාගෙ තොල් දෙකත් එකක්ලා වෙව්ලනවා.
YOU ARE READING
_මනෝහර_ (completed)
Fantasía" මහා කෝළ සන්නි යක්ක උත්තමයගෙ අවතාර දහ අටෙන් ඉපදුණු සන්නි දහ අට දැක්කට ඔය ඇත්තො තාම කිඳුරු සන්නිය දැකලා නෑ නොවැ. ඔන්න බලා ගනිල්ලා මේකයි කිඳුරු සන්නිය!! " Cover credit goes to : lchi_jk
