𝐑𝐞𝐰𝐫𝐢𝐭𝐞 𝐓𝐡𝐞 𝐒𝐭𝐚𝐫?

[ 4 ]

[ Uni ]

" စီ .. စီနီယာ "

ဂယောင်ဆူးက ဘတ်ခ်ဟျွန်းကို ထိတ်လန့်နေတဲ့ မျက်ဝန်းတွေနဲ့ ကြည့်နေသည်။ ဆိုဂျူအရှိန်ကြောင့် အနည်းငယ် ရီဝေနေတဲ့ ထိုမျက်ဝန်းမှိန်းမှိန်းတွေကို ငေးပြီး အသက်ကို ခပ်ညှင်းညှင်းရှူနေရသည်။

" စီနီယာ .. ရရဲ့လား။ ကျွန်တော် တွဲကူမယ်လေ။ "

" ကိုယ်မမူးသေးဘူး။ "

ဂယောင်ဆူးတို့ ရိုက်ကူးရေး ပြီးဆုံးသွားပြီမို့ ညစာစားဝိုင်း ဖွဲ့ကြသည်။ အခုလည်း ဘတ်ခ်ဟျွန်းက ဆို‌ဂျူသုံးပုလင်းလောက် ဝင်ထားတာကို မမူးသေးပါဘူးတဲ့။ ဂယောင်ဆူးနဲ့ ဘတ်ခ်ဟျွန်း အတော်ရင်းနှီးလာကြပေမဲ့ ဂယောင်ဆူးက ဘတ်ခ်ဟျွန်းကို စီနီယာတစ်ယောက်လို ပီပီပြင်ပြင် ဆက်ဆံနေတုန်းဖြစ်သည်။

" ခုဏက ဘာလို့ မဖြေတာလဲ။ ကိုယ်တစ်ခါ ဟန်မြစ်မှာ မေးတုန်းကလည်း မဖြေဘူး။ "

နံရံနား ကပ်ခံထားရတဲ့ ဂယောင်ဆူးက ချွေးစေးတွေပါ ပြန်လာသည်။ ဘတ်ခ်ဟျွန်းက အနားပိုတိုးလာတာမို့ သူတို့ နှစ်ယောက်ရဲ့ အသက်ရှူ‌သံတွေကို တစ်ယောက်နဲ့ တစ်ယောက် သတိထားမိတဲ့အထိ နီးကပ်နေပြီဖြစ်သည်။

" ကိုယ်နဲ့ နမ်းရတာ ဂယောင်ဆူး ဘယ်လို မနေဘူးလား။ ရင်လုံးဝ မခုန်တာလား။ "

" ဟို .. အဲ့လိုမဟုတ်။ "

ကလေးတစ်ယောက်လို မကျေမနပ်ပြောလာတဲ့ ဘတ်ခ်ဟျွန်းက နှာဖျားလေးတွေနီပြီး ဂယောင်ဆူးကို ရစ်နေသည်။ ဂယောင်ဆူး အမြန်ထွက်ချင်ပြီဖြစ်သည်။ သူတို့နှစ်ယောက် သန့်စင်ခန်းလာတာ မိနှစ်နှစ်ဆယ်လောက်ရှိပြီလေ။

" ဟို ကျွန်တော်တို့ သွားရအောင်လေ။ ကျွန်တော်တို့ကို အဖွဲ့သားတွေ စောင့်နေတော့မယ်။ "

" မသွားဘူး။ ဂယောင်ဆူး မဖြေမချင်း မသွားဘူး။ ကိုယ် ဒီသန့်စင်ခန်းမှာပဲ အိပ်လည်း အိပ်ရ‌ပါစေ။ "

ဘတ်ခ်ဟျွန်းက ထောက်ထားတဲ့ လက်ကို ရုတ်လိုက်ပြီး ဂယောင်ဆူး လက်နှစ်ဖက်လုံးကို ဆွဲယူပြီး ဆူအောင့်အောင့် ပြောသည်။ ဒီ ကလေးဆိုးနဲ့ ခက်လိုက်တာ။ ဘတ်ခ်ဟျွန်းနဲ့ နမ်းရတာ ရင်ခုန်လားဆိုတဲ့ မေးခွန်းကို မဖြေလို့ ရစ်နေတာ Actor Baekhyun ရဲ့ Image နဲ့ မလိုက်မဖက်။