𝐑𝐞𝐰𝐫𝐢𝐭𝐞 𝐓𝐡𝐞 𝐒𝐭𝐚𝐫?

[ 17 ]

[ Uni ]

* မေမေ .. *

* သားလေး ဘာဖြစ်တာလဲ။ အဆင်ပြေပြေရှိနေရဲ့လား။ *

* ကျွန်တော် .. ရပ်ပစ်လိုက်တော့မယ်။ *

သူ့ဘေးမှာ ရှိနေတဲ့ ချန်းယောလ်က ဂယောင်ဆူးရဲ့ ဆုံးဖြတ်ချက်တွေကို ပြင်ဖို့ တောင်းဆိုနေတဲ့ မျက်ဝန်းတွေနဲ့ ကြည့်နေသည်။ တစ်ဖက်က မေမေ့ဆီမှ အသံတွေက တိတ်ကုန်သည်။

* ကျွန်တော် ဒီအလုပ်ကို ဆက်မလုပ်ချင်တော့ဘူး။ ကျွန်တော် ရပ်ပစ်လိုက်တော့မယ်။ *

စိတ်ကို မနည်းထိန်းပြီး ပြောလိုက်ရတဲ့ စကားကြောင့် မောဟိုက်လာသလို ခံစားရသည်။

* သားလေး .. ဘာအဆင်မပြေလို့လဲ။ မေမေ့ကို တိုင်ပင်လေ။ မေမေ့ကို ပြောလေ။ သားလေး ဒီအနုပညာအလုပ်မှာ အဆင်ပြေပြေရှိနေတာပဲကို။ သားအများကြီး အောင်မြင်နေတယ်လေ။ ဒါသားဖြစ်ချင်တဲ့ ဆန္ဒပဲမလား။ *

‌မေမေ့စကားဆုံးတော့ ဂယောင်ဆူးမျက်ရည်တွေ ဆိုင်းမဆင့်ဗုံမဆင့် စီးကျလာသည်။ မျက်ဝန်းတွေ စပ်ပြီး ပါးပြင်ဟာ ပူနွေးလာသည်။

ဆန္ဒ .. ငါအောင်မြင်ချင်လို့ လျှောက်ခဲ့တဲ့ လမ်း? ဟင့်အင်း မဟုတ်ဘူး။

တကယ်တမ်း အကြောင်းအရာတွေအားလုံးက ဘတ်ခ်ဟျွန်းနဲ့ အစပြုတာ။ သရုပ်ဆောင်ဝါသနာပါခဲ့ရတာကလည်း ဘတ်ခ်ဟျွန်းကို အားကျခဲ့ရတာကြောင့်။

ဒီလမ်းကို လျှောက်ဖို့ ဖေဖေ့ကို ဆန့်ကျင်ခဲ့တာလည်း တိတိကျကျပြောရရင် ဘတ်ခ်ဟျွန်းလို ဖြစ်ချင်ခဲ့တာကြောင့်။

အများကြီး မေ့နိုင်အောင်ကြိုးစားဖို့ ခန္ဓာကိုယ်ကို ဂရုမစိုက်အားပဲ အလုပ်တွေ သေမတက်ကြိုးစားခဲ့ရတာလည်း သူ့ကို ထားပစ်ခဲ့တဲ့ ဘတ်ခ်ဟျွန်းကြောင့်။

နောက်ဆုံး အခုလို ဒီအလုပ်ကို စွန့်ပစ်ချင်ရတာလည်း ဘတ်ခ်ဟျွန်းကြောင့်ပဲ။ ဒီလူရှိနေတဲ့ အသိုင်းအဝိုင်းမှာ ဆက်ရှိနေရရင် ဒီထက် ပြိုလဲပစ်ဖို့ပဲ ရှိတာမို့။ ရပ်ပစ်လိုက်ရမယ်။ ဟုတ်တယ် .. ရပ်ပစ်လိုက်ရမယ်။

တိတ်ဆိတ်နေတဲ့ ဂယောင်ဆူးဟာ တစ်‌ဖက်က မေမေ့ရဲ့ ဖျောင်းဖျနေတဲ့ အသံတွေကို သေချာမှ ကြားရဲ့လား။ မလှုပ်မယှက်တည်ငြိမ်နေတဲ့ မျက်ဝန်းတွေ။ တင်းတင်းစိထားတဲ့ နှုတ်ခမ်းတွေ။