[ Uni ]
ဆေးနံ့တွေ ရှူရှိုက်နေရတာ သိပ်မွန်းကျပ်ဖို့ကောင်းသည်။ ပိုးသတ်ဆေးနံ့တွေဟာ အခုညအိပ်တဲ့အချိန်မျိုးဆို သိပ်အနှောင့်အယှက်ဖြစ်စေသည်။ အင်အားချိနဲ့နေတဲ့ ခန္ဓာကိုယ်ကြောင့် ပုံမှန်လူအတွက် မပျင်းတဲ့ ဆေးနံ့က ဂယောင်ဆူးအတွက် တော်တော်ဆိုးရွား နေသည်။
" ဂယောင်ဆူး မအိပ်သေးဘူးလား။ "
ကုတင်မှာ ငုတ်တုတ် ထထိုင်နေတဲ့ ဂယောင်ဆူးကို ဘတ်ခ်ဟျွန်းက အိပ်ချင်မူးတူးမေးသည်။
" နေရခက်လို့လား။ "
ညတစ်နာရီထိုးပြီဆိုတော့ ကြားထဲ အိပ်ပျော်သွားပုံရတဲ့ ဘတ်ခ်ဟျွန်းက တစ်စနှစ်စ ထောင်နေတဲ့ ဆံပင်တွေနဲ့ ဂယောင်ဆူး အနားလာသည်။ ဂယောင်ဆူး ခေါင်းအသာ ငြိမ့်ပြလိုက်သည်။
" မနက်ဖြန်တစ်ရက် ကျန်သေးတယ်။ နေနိုင်ရဲ့လား ကလေး။ "
ဂယောင်ဆူးရဲ့ ပါးပြင်လေးကို အသာ ပွတ်သပ်ပြီး ပြောနေတဲ့ ဘတ်ခ်ဟျွန်းကြောင့် ဂယောင်ဆူး ခေါင်းရှောင်လိုက်မိသည်။
" ကျွန်တော် လမ်းခဏ ထွက်လျှောက်မလို့။ "
" ဒီနေ့မှ သတိရလာတာကို။ ခေါင်းမူးနေဦးမယ်။ လမ်းလျှောက်နိုင်မှာ မဟုတ်ဘူး "
" ဆေးနံ့တွေရှူနေရတာ ခေါင်းပိုမူးလို့။ "
ဂယောင်ဆူးက ပြောပြီး ဆတ်ခနဲ ထသည်။ ဘတ်ခ်ဟျွန်းကို ကျော်သွားပြီး တံခါးအပေါက်ဝနား ရောက်တော့ အနည်းငယ်ယိုင်သွားတာမို့ ဘတ်ခ်ဟျွန်းက ချက်ချင်း အနားရောက်လာသည်။
" ရလား။ ကိုယ်ပြောပါတယ်။ လမ်းမလျှောက်နိုင်လောက်ဘူးလို့။ "
ဂယောင်ဆူးက ဘတ်ခ်ဟျွန်းကို မကြည့်ပဲ အရှေ့ကို လျှောက်ဖို့ပြင်သည်။ ဘတ်ခ်ဟျွန်းမှာတော့ ပြောမရတဲ့ အဆုံး ဂယောင်ဆူးရဲ့ လက်မောင်းကနေ ထိန်းကိုင်ပေးပြီး လိုက်ရတော့သည်။
ဆေးရုံခန်းအပြင်ကနေ တဖြေးဖြေးဝေးလာတဲ့နောက် ဆေးရုံပြင်ပရောက်တော့ ပိုးသတ်ဆေးနံ့တွေ ကင်းသွားပြီမို့ ဂယောင်ဆူး စိတ်တွေ ကြည်လင်လာပြီ ဖြစ်သည်။ သို့ပေမဲ့ သူ့မျက်နှာကို တကြည့်ကြည့် ဖြစ်နေတဲ့ ဘတ်ခ်ဟျွန်းကြောင့် အနေရခက်တာတော့ အမှန်။ ဘာပြောပြော နှစ်နှစ်ကျော်ကြာမှ ပြန်တွေ့ရတဲ့ တစ်ချိန်က အမှတ်တရတွေနဲ့ လူလေ။
YOU ARE READING
𝐑𝐞𝐰𝐫𝐢𝐭𝐞 𝐓𝐡𝐞 𝐒𝐭𝐚𝐫?
أدب الهواة" ဟန်နီ .. ကိုယ် မင်းကို ဒီအတောအတွင်း ပြောပြစရာတွေ အများကြီး ရှိနေခဲ့တာ " Started date - 24 . 4 . 2024 End date - ? 🍓🤍 𝑩𝑨𝑬𝑲𝑺𝑶𝑶 🍓🤍 𝑩𝒂𝒆𝒌𝒉𝒚𝒖𝒏 × 𝑲𝒚𝒖𝒏𝒈𝒔𝒐𝒐
