_මනෝහර_ (completed)

24: අණ්ණා ජවුසම

කමෙන්ට් ගෝල් 50

"මොකද හත්වලාමේ මේ මහ රෑ ජාමේ කෝල් කරලා වද දෙන්නෙ. මේකා මොන ජංජාලයක් කරන්න ලෑස්ති වෙනවාද එලියට එන්ඩ කියලා. මොන මගු...."

වත්සල කෝල් කරලා තමන්ට ගෙදරින් එලියට එන්ඩ කීව කේන්තියට සෙනේෂ් ට මහසෝන් අවතාරේ ඉහෙ ඉඳන් ආරූඩ වෙලා උන්නේ. වත්සල එක්ක කාලාන්තරයක් තිස්සෙ තියන කේන්තියයි ඒ මදිවට මහ පාන්දර ජාමේ තමන්ගෙ නින්ද කැඩුණු කේන්තියයි එක්ක සෙනේෂ් දොට්ට බැස්සෙ බැන බැන. සෙනේෂ් ගෙ සාප කිරිල්ල නතර උනේ වත්සල එක්ක ගේ ඉස්සරහ බිම බලාන හිටගෙන උන්නු මනෝහර දැක්කාම. වත්සලගෙ පැත්තෙන් මනෝහර හිටන් ඉන්නකොට සෙනේෂ් ගෙ එලොව පොල් පෙනුනා.

මනෝහර ගෙ හිත හොඳටම ගැස්සිලා තිවුනෙ. මනෝහරට මෙදා පොටේ වත්සලට අහු නොවී වතුරෙන් ගොඩට එන්ඩ ලැබුණෙ වත්සල ආව ගෑණු කටහඩ මොකක්ද බලන්න ගස් අස්සෙ රිංගන්න ගිය නිසා. ගස් අස්සෙන් නිල් පාට එලියක් යන්තම් එහෙ මෙහෙ දුවනවා මනෝහර වතුරට වෙලා බලාන උන්නා. ඒ එක්කම දිව්‍යමය කටහඩක් මනෝහර ගෙ කනට වැකුණා.

"මනෝහර ඉක්මන් කරන්න"

තමන්ට උදව් කරපු ගැහැණු කටහඬෙ අයිති කාර ඇත්ති වෙන කවුරුත් නෙවෙ අයේෂා දෙව්දූමයි කියලා නිශ්චයටම තේරුම් ගත්ත මනෝහර හීන් සීරුවේ මූදෙන් ගොඩට ඇවිල්ලා ගල් දෙබොක්කාව අස්සෙ රිංගගෙන ඒක අස්සෙ හංගපු ඇඳුම් ආයිත්තම් ටික අරකා පාත් වෙන්ඩ කලියෙන් ආයෙ ඇඳ ගත්තා.

කාවවත් හොයා ගන්ඩ බැරි උන වත්සල මනෝහරවත් ආයෙ දක්කගෙන සෙනේෂ් උන්නු හෝටලෙ ගාවට ආයෙම ඇදගෙන ගියා. කොහොමෙන් කොහොම හරි අවසානෙ බැන බැන එලි බැහැපු සෙනේෂ් ගල් ගැහුණෙ වත්සලගෙ පිටිපස්සෙන් බිම බලාන උන්නු මනෝහර දැකලා

"ඒයි... උඹ මොකද මේකා එක්ක මේ මහ රෑ එලියෙ කරන්නෙ"

හිතට දැනුන පෑලියාව එක්කලා සෙනේෂ් ඔරවගෙන කෑ ගහනකොට මනෝහර බිම බලා ගත්තා. මේකට නිදහසට කියන්න ඕනෙ කරුණ මොකක්ද කියලා නිනව්වක් නැහැ.

"මයෙ මහත්තයො.. මනෝහර එක්ක අමනාප වෙන්ඩ එපාය මයෙ මහත්තයො... මනෝහරට නින්ද ගියෙ නැතුවා... ඉතින් මනෝහර...."