කමෙන්ට් ගෝල් 50
සෙනේෂ් මනෝහරත් එක්ක විසාල කාමරේ තිවුන වීදුරු කබඩ් එකක් පිටිපස්සෙ හැංගුනෙ අඩි සද්දයක් ඇහුනු සැටියෙ. මෙතන උන්නු කම්මැලිකාර මුරකාරයන්ගෙ නොසැලිකිලිමත් කමට පින්සිද්ද වෙන්ඩ මනෝහරවත් ඇන්න සෙනේෂ් ට ඇහැකි උනා බංගලාව අස්සට රිංගා ගන්න. බංගලාව කොච්චරකට ජරා ජීර්ණ වෙලා යි , හූනොයි , මකුලු දැලුයි පිරිලා තිවුනට එක කාමරයක් විතරක් පිරිසිදුවට තිවුන එක සැක පහල කරන්න තරමේ වටින කාරණාවක් උනු නිසා මනෝහරවත් ඇන්න සෙනේෂ් ඒක අස්සට රිංගුවා.
හිතුවත් වගේ පිළිවෙලකට නොවුනත් වීදුරු පෙට්ටි වල දාපු පුරා විද්‍යාත්මක වටිනාකමක් තියෙනවාය කියලා සැක කරන්න පුලුවන් ද්‍රව්‍ය එතන පිරිලා තිවුනා. සාමාන්‍යය පුරා විද්‍යාව ගොනු ලොකු දැනුමක් සෙනේෂ්ට නොතිබුනත් ඒවල තිවුන කෞතුක පෙනුමට කාලකණ්ණි ඇමතියා පන්නපු බඩු භාණ්ඩ කියලා සෙනේෂ් ට තේරුම් ගන්න පුලුවන් උනා.
"බැල්ලිගෙ පුතා"
කටෙන් ශාපයක් ගිලිහෙද්දී සෙනේෂ් ගෙ ඇස් දෙක හෙව්වේ ආස්රූ මුතු ඇටය. පේන ඉසව්වක තියලා තිවුනෙ නැති ආස්රූ මුතු ඇටේ විශාලත්වය සැලකිය යුතු තරමට අඩු නිසා ඒක හොයා ගන්න එක අමාරු වැඩයක්ය යන වග තේරුම් ගන්න සෙනේෂ්ට අමාරු වුනෙ නැහැ.
"කෝ මේ හත්වලාම"
මොකක් හරි ජවුසමක් නටාවි කියලා සෙනේෂ් මනෝහර ගෙ අතින් අල්ලගෙන උන්නත් මේකා ජවුසමක් නටන්න තරම් සිහියෙන් උන්නෙ නැති වග සෙනේෂ්ට තේරුනා. ඇස් දෙක දොඹ ගෙඩි දෙක කරාන මේකා වටේ පිටේ තියන කෞතුක වස්තු සම්භාරය දිහා බලාන ඉන්නවා.
මනෝහර දිහා බලලා යමක් කියන්න සූදානම් වෙච්චි සෙනේෂ්ට හදිස්සියෙ සද්දයක් ඇහුනා. මුරකාරයො මෙතනට පාත් වෙනවාය කියලා සැක පහල වෙච්චි සෙනේෂ් කට ඇරගෙන බලාන ඉන්න මනෝහර වත් දක්කගෙනම වීදුරු කබඩ් එකක් පිටිපස්සෙ ගුලි ගැහුනාම මනෝහර සෙනේෂ් ගෙ මූණ දිහා බලාන ඉන්නවා.
සෙනේෂ් අනුමාන කලාය වගෙ මුරකාරයො දෙන්නෙක් එතනට පාත් උනා.
"මෙතන කවුරු හරි ඇවිදිනවා වගෙ සද්දයක් ඇහුනා මට..!!"
YOU ARE READING
_මනෝහර_ (completed)
Fantasy" මහා කෝළ සන්නි යක්ක උත්තමයගෙ අවතාර දහ අටෙන් ඉපදුණු සන්නි දහ අට දැක්කට ඔය ඇත්තො තාම කිඳුරු සන්නිය දැකලා නෑ නොවැ. ඔන්න බලා ගනිල්ලා මේකයි කිඳුරු සන්නිය!! " Cover credit goes to : lchi_jk
