ارتحت يامحمد!! ارتحت رميت بنتك الرميه دي، وإنت عارف كويس إنها مظلومه.
بس انا وانت عارفين كويس انت عملت كدا ليه، حبك لزين عماك.
من صغرهم وانت دايما بتحسسها انها ملهاش قيمه وزين كل حاجه ، والله العظيم لو مش زين كان طيب معاها وبيعاملها كويس ودايما ف ضهرها وساندها كان حصلها حاجه، انت عارف كويس هي كانت متعلقه بيه قد اي ، وبالرغم من كدا لما اتوفي محاولتش تهون عليها لا بالعكس رميت الذنب عليها وهي ملهاش اي دخل،يا اخي دي كانت بتتلهف علشان تسمع كلمه حلوه منك، والله انا عمري ما هسامحك علي اللي عملته فيها ، ولا هي كمان هتسامحك.
بس الحق عليا انا اللي سكتلك من الاول، ع العموم خلي الخمسه مليون اللي بعت بنتك بيهم ينفعوك انا هروح البلد اكمل السنتين تلاته اللي فاضلين ليا ف الدنيا دي هناك، انا تعبت منك ومن عمايلك ، والله اعلم هشوف بنتي تاني ولا لا .
اتمني انها تسامحني علي كل دا لان سكوتي ليك كان سبب ف كل اللي حصلها، روح ربنا يسامحك، ولو لسه عندك ذرة ضمير روح هات بنتك انت عارف كويس مين عثمان الحديدي، والله اعلم اي اللي ممكن يحصل فيها، ومن انهارده انت بالنسبه ليا ميت، عن اذنك .
تنهد محمد بعد سماع حديث مريم زوجته، وأحس بالذنب فعلا، لكن قد فات الاوان فهو لن يري ابنته مرة أخري.
*********************************
في سيارة عثمان :
بقي بالله عليكي في واحده تكون عامله كدا يوم فرحها وبتعيط بالشكل دا، لو حد شافنا هيقولو خاطفك.
اسفه غصب عني، بس يعتبر برضو انت خاطفني.
لا دا انتي طلعتي بتعرفي تتكلمي اهو ، انا اول مره نظرتي ف حد تطلع غلط كدا، شكل في حكايات كتير هتحصل الفتره الجايه يا مدام حور.
زاد غيظها وغضبها عندما سمعت تلك الكلمة - مدام حور - فهي لم تكن تتوقع ان تكون لاحد غير حب حياتها، لكن الان لم يعد لديها دافع للمحاوله ، فالذي كانت تحاول البقاء من اجله تركها وتخلي عنها، ولم تعرف السبب حتي.
حور : بس انت عارف والله احسن حاجه عملتها انك اخدتني من البيت دا، دا بالنسبه ليا معروف كبير شكرا ليك بجد، وبالنسبه بقي للجواز ف مبقاش يهمني عادي، كنت مقتنعه بفكرة الحب قبل الجواز بس دلوقتي مبقتش مقتنعه بالحب اصلا، وانت مليون واحده تتمناك، وبقيت من نصيبي انا، يمكن خير.
لاه، دا انتي شكل حكايتك حكايه.
مش كدا وبس لا حكايه كبيره اوي كمان. قالت حور.
توقفت السياره امام قصر فاخر وضخم جدا، ومن هيئته يعرف انه ملك عثمان الحديدي.
اتفضلي ياعروسه نورتي القصر.
نزلت حور من السياره ولم تهتم للقصر ولا لعثمان ولا لاي احد قالت بإنكسار :
فين اوضتي لو سمحت.
أنت تقرأ
عجائب العشق
Storie d'amoreالأحداث تدور ما بين الفرح والحزن وهذا ما يتبين في العائلتين ثم النجاح الكبير ويليه الانكسار والحزن العظيم وما يليه الانتقام سيدوم فترة طويله الي ان تتحقق العداله،ثم الحب حيث تعود الحياة كما كانت بل أجمل . ثم تحدث المفاجأة التي تجعل الاحداث اروع مما...
