في مكان مجهول :-
أفاقت داليدا وهي غير متذكرة لما حدث ......... اااه ،أنا فين وإي إللي حصل ، صدمت عنما شاهدت رجلا غريبا أمامها،بل وينظر لها نظرات غير مطمأنه.
داليدا بخوف : إنت مين ،وعاوز مني إي !!!!!
الرجل : أنا مين متشغليش بالك ،وإنما عاوز منك إي ،هتعرفي دلوقتي ،ثم حاول التهجم عليها .
ظلت داليدا تصرخ وتحاول إبعاده عنها بأي شكل من الأشكال، حتي أنقذها منه رجل آخر .
إنت إتجننت يا إسلام ،إنت مش عارف مين دي ،لا وكمان نسيت إللي البوص قال عليه ...... قال محدش يلمسها ولا يبصلها بصه حتي ،استني بقي إللي هيحصلك منه لما يعرف ،ثم أخذه وخرج .
ضمت داليدا قدميها إلي صدرها وظلت تبكي وتردد ........ قاسم قاسم .
في شركة العامري :-
محمد : هتكون راحت فين يعني ،إنت متأكد إنك دورت عليها كويس .
الحارس الشخصي لداليدا : يا محمد بيه والله دورت عليها في كل المول فص ملح وداب .
محمد : طيب راجعت كاميرات المول ؟!
الحارس : لا يبيه ملحقتش ،أنا لما ملقتهاش جيت لحضرتك علي طول .
محمد بغضب : غبي ،كان زمانك عرفت مين إللي أخدها ولحقتها ،المهم دلوقتي نلحق نروح المول ونشوف الكاميرات علشان نلحقها، قاسم لو عرف إن حصلها حاجه ،كلنا هنروح فيها ،بسرعه يلا .
في المول :-
محمد بغضب : إعرفلي مين دول حالا ،وفرغلي كل الكاميرات إللي حوالين المول بسرعه ...... لو إنت إللي عملت كدا يا عثمان صدقني ،نهايتك هتكون قربت .
الحارس : يا بيه دول مش من رجالة الحديدي ، محدش اتعرف عليهم ،بس عرفنا طريق العربيه .
محمد : طيب مستني إي يغبي ،بسرعه علي هناك .
إنطلق كل من محمد والحراسه إلي المكان الذي به داليدا .
في مكان مجهول .... يبدو وكأنه مصنع مهجور ......عرف محمد أنه مصنع قديم للبوص .
محمد :بقي كدا يابن ال**** ان ماعرفتك مقامك مابقاش أنا .
حاصر رجال محمد المكان وقبضو علي كل من به ،ووصل إلي الحجرة التي بها داليدا ،اقتحمها محمد وصدم من منظرها ،كانت ملقاة علي الأرض وفاقدة للوعي .
صرخ محمد بأعلي صوته : داااااااااليييييييدا ........... ثم جري نحوها ،داليدا حبيبتي داليدا ....... ثم حملها وتوجه بها إلي المشفي علي الفور ،عند خروجه..... صرخ بصوت جهوري أنا مش عاوز كلب فيهم سليم ،روقوهم لغاية لما أرجع .
في المشفي :-
محمد بقلق : ها يا دكتور طمني حالتها إي ؟!!
الطبيب : اهدي يا أستاذ هي بخير الحمد لله بس ضغطها وطي شويه وباين كدا إتعرضت لصدمه .
أنت تقرأ
عجائب العشق
Storie d'amoreالأحداث تدور ما بين الفرح والحزن وهذا ما يتبين في العائلتين ثم النجاح الكبير ويليه الانكسار والحزن العظيم وما يليه الانتقام سيدوم فترة طويله الي ان تتحقق العداله،ثم الحب حيث تعود الحياة كما كانت بل أجمل . ثم تحدث المفاجأة التي تجعل الاحداث اروع مما...
