🍀Prince's Husband (or)ရွှေမျက်နှာတော် ညှိုးမှာစိုး🍀{Ongoing}

🍀16🍀

Unicode

လူတစ်ကိုယ်လုံးကို ချီပိုးထားရပေမယ့် ဝေဟင်ရဲ့ခြေလှမ်းတွေဟာ သွက်လက်ပေါ့ပါးနေသည်။အလုပ်တစ်ခုအောင်မြင်သွားတာကြောင့်လည်းဖြစ်နိုင်သည်။ရင်ခွင်ထဲကဟာလေးကြောင့်လည်း ဖြစ်နိုင်သည်။မခံမရပ်နိုင်စွာ ရင်ဘက်ကိုကိုက်ခဲထားပုံက တကယ့်ခွေးပေါက်လေးလို...

တစ်ကိုယ်လုံးနီရဲပြီးပူခြစ်နေသည့်အပြင် တအင်းအင်းနဲ့ငြီးငြူကာ သူ့ရင်ဘက်တစ်ပြင်လုံးလက်ကလေးကအငြိမ်မနေ။ပါးစပ်ကကိုက်ခဲပြီး လက်ကပါ ဟိုပွတ်ဒီပွတ်...
ကြာတော့ ဒီလူရဲ့သမာဓိက ယိုင်နဲ့နဲ့ဖြစ်လာရသည်။

"ခင်ဗျားကတော့နော်။ဆက်လုပ်နေရင် ကျုပ်ကိုယ့်ကိုယ်ကို မထိန်းနိုင်ပဲဖြစ်တော့မှာပဲ..."

"ဟင့်...မ...အင့်...ထိန်း...နဲ့..."

"ဘာကြီး...ကျယ်ကျယ်ပြော..."

"အင်း...ဟင့်... Luck... Lucky...ပူ...တယ်...တစ်...ကိုယ်လုံး..."

"ဗလုံးဗထွေးနဲ့ဘာပြောချင်တာလဲ...သေချာမကြားရဘူး..."

နားမလည်လို့ပြန်မေးတာကို သူကပဲ‌စိတ်တိုကာ ရင်ဘက်ကိုလက်သီးဆုပ်လေးနဲ့ တဒုတ်ဒုတ် ထုနေပြန်သည်။သူပြောတာမသိရကောင်းလားပေါ့...

ဝေဟင် အားလုံးမှာပြီးတာနဲ့ ကြည့်လို့အမြင်မခံနိုင်တာလေးကို ချီပိုးရင်း ရဟတ်ယာဉ်ပေါ်တက်ခဲ့တော့သည်။ရဟတ်ယာဉ်က လူနှစ်ယောက်စာ ကျယ်ကျယ်ဝန်းဝန်းဆံ့သည့်အပြင် တစ်ခုခုလုပ်ဖို့ပါချောင်ချောင်လည်လည်ရှိ၏။

ရဟတ်ယာဉ်ပေါ်ရောက်တော့ ကိုယ့်ဘေးနားချကာ ရင်ခွင်ထဲခဏမှေးခိုင်းထားမယ်ပေါ့။အတွေးနဲ့တက်တက်စင်အောင်ကို လွဲသည်။ဝေဟင် စထိုင်ဟေ့ဆိုတည်းက ပေါင်ပေါ်ခွထိုင်ထားကာ လည်ပင်းကို သိုင်းဖက်ထားသည်လူ...

"ခဏ...ဆင်းအုံးလေ...ရောက်ရင် ကိုယ်သက်သာအောင်လုပ်ပေးမယ်..."

"ဘာ...ဘာ...အင်း...လုပ်...မှာ..."

"ဟမ်...တစ်ခုခုပေါ့ ဆေးနဲ့ထိန်းပြီး..."

"ဖြန်း!!!..."

ဝေဟင်မျက်စိတောင်ပြာသွားသည်။ခုသူပါးရိုက်ခံလိုက်ရတာလား။မမြင်မစမ်းနဲ့မို့ ရိုက်ချက်က မေးရိုးကိုပါထိသည်။သူများပေါ်လည်းတက်ထိုင်ပြီး ကယ်လာပေးတဲ့လူကို သူကပါးရိုက်လိုက်တာလား...
ဒီလူ စိတ်လွတ်သွားတာဖြစ်နိုင်၏...