🍀Prince's Husband (or)ရွှေမျက်နှာတော် ညှိုးမှာစိုး🍀{Ongoing}

🍀34🍀

Unicode

ကက္သလနိုင်ငံတွင်ဖြစ်သည်။

လေယာဉ်ကွင်းမှ စ လို့မြို့ထဲလမ်းမကြီးအထိ   သူသူငါငါယောက်ယက်ခပ်နေသည်။နိုင်ငံတော်အဆင့် ပြဿနာတစ်စုံတစ်ခုရှိနေသည်ဟု ထင်ကာ တစ်ချို့ပြည်သူတွေမှာ ရင်တဖိဖိ။
တစ်ချို့ကတော့ ဒီတိုင်းဝန်ကြီးလမ်းကြောင်းဟုသာ တွေးထင်ကြသည်။
အတွေးအမျိုးမျိုးက အမှန်မဟုတ်ကြောင်း မကြာခင်မှာသက်သေပြလာတော့သည်။

ထိုလမ်းကြောင်းမှာ ပြဿနာအတွက်လည်းမဟုတ်သလို၊ဝန်ကြီးလမ်းကြောင်းလည်းမဟုတ်။
အိမ်နီးချင်းနိုင်ငံဖြစ်တဲ့ ခတ္တနိုင်ငံမှ ရာထူးကြီးပုဂ္ဂိုလ်တွေအပါအဝင် အသက်ဂုဏ်ဝါကြီးသူတစ်ချို့နဲ့ အာဏာရှိသူတို့ပါဝင်ကာ လာရောက်‌ တောင်းရမ်းတဲ့ စေ့စပ်လမ်းကြောင်းသာ...

ထည်ဝါမြတ်မင်းပိုင်ဆိုင်တဲ့ လေကြောင်းကလေယာဉ်ဖြစ်ပြီး လေယာဉ်ပေါ်ကဆင်းတာနဲ့ နောက်ဆုံးပေါ်အဆင့်မြင့်ကားအနက်တွေ ဖြင့်လိုရာခရီးသို့သွားနေကြသည်။လေယာဉ်ကလည်း ခုကိစ္စအတွက်လိုက်ပါသူများအတွက်သီးသန့်ဖြစ်သည်။ခရီးသည်မပါ....
ကားအနက်တွေချည်း 15 စီးကျော်တန်းစီမောင်းနှင်လာကြတော့ ပြည်သူတွေထင်လည်းထင်ချင်စရာကောင်းအောင် တအံ့တသြဖြစ်နေသည်။
အထူးတလည် လမ်းဖယ်ပေးခိုင်းခြင်းမပြုပါသော်ငြား မြင်လိုက်တာနဲ့ ပုံမှန်မဟုတ်သည့်အရာမို့ လမ်းပေါ်ရှိတစ်ချို့ကားတွေက ဘေးကို အလိုလိုပြေးကပ်ပေးထားကြသည်။

ထိုကိစ္စလာရင်းအတွက် အိမ်ရှင်နိုင်ငံထဲမှာ တစ်ဦးမှ တိတိကျကျသိသူမရှိ။

မောင်းနှင်ပြီး 1နာရီလောက်အကြာမှာတော့ ကြီးကျယ်ခမ်းနားတဲ့ စံအိမ်ကြီးရှေ့ရောက်လာကြ၏။ကားတွေအားလုံး မောင်းဝင်လာနိုင်တဲ့အထိ ခြံဝန်းကလည်း ကျယ်ကျယ်ဝန်းဝန်းပင်...
ထိုကားတန်းကြီးရပ်တာနဲ့ သမ္မတကြီး ဦးသတ္တိတစ်ယောက်စံအိမ်ပေါ်က ခပ်သွက်သွက်ဆင်းလာသည်။
တစ်ခါမှ ထိုသို့မရှိခဲ့ဖူးတာမို့ ခြံဝင်း စဝင်ကတည်းက security တွေအကြောင်းကြားထားခြင်းဖြစ်၏။